کیوں بابا کی شہزادی میں سو عیب دکھتے ہیں۔۔۔

خوش بخت کی کہانی

خوش بخت۔۔۔۔۔!!!!

بابا کی لاڈلی

میں اپنے بابا کی لاڈلی تھی بہت۔۔۔۔
بہت چاؤ سے میرا نام انہوں نے "خوش بخت" رکھا۔۔۔۔
بابا کہتے تھے
میری بیٹی بیسٹ ہے
بہت لاڈوں میں پالا۔۔۔۔
مجھے بابا کہتے میری شہزادی
سب سے عقلمند ہے۔۔۔۔
اور یوں میں بھی ایسا ہی سمجھنے لگی کہ میں تو بہت سمجھدار ہوں۔۔۔۔حسین ہوں۔۔۔دوستیں، سکھیاں بھی کہتیں کہ واہ خوشی تم سا تو کوئی بھی نہیں۔۔۔
ایسے ہی خوبصورت شب وروز میں بابا نے میرے لیے ایک رشتہ دیکھا۔۔۔۔۔
اور مجھے اس کے سنگ رخصت کردیا اپنی دعاؤں کے سائے تلے۔۔۔۔

شادی کے بعد حقیقت

مگر۔۔۔....
اپنی اصلیت تو شادی کے بعد مجھ پہ کھلی۔۔۔شادی کے اگلے دن صبح اٹھی تو کان میں نند کی آواز پڑی۔۔۔۔
ارے اماں کیا دیکھ کے بھیا کی اس سے شادی کی ۔۔۔
یہ تو کالی ہے۔۔۔۔
مجھے پتا ہی نہیں تھا کہ میں کالی ہوں۔۔۔
میرے تو سانولے سلونے نمکین روپ کے سب دیوانے تھے۔۔۔
پھر کھیر پکانے کی رسم ہوئی تو پتا چلا کہ میں تو بالکل پھوہڑ ہوں۔۔۔مجھے کھانا پکانا ہی نہیں آتا۔۔۔۔۔آہ ۔۔میرے پکے کھانے کھا کے تو بابا اکثر مجھے انعام دیتے۔۔۔۔۔۔۔
پھر ایک دن شادی کے بعد کسی دعوت میں جانا تھا۔۔۔تو پتا چلا کہ میں کچھ بھی پہنوں مجھ پہ جچتا ہی نہیں۔۔۔
شادی سے پہلے تو میری فرینڈز اور کزنز میرے مشورے سے ڈریسز بنواتیں۔۔۔
میں پوچھنا چاہتی تھی کہ شادی کے بعد ایسا کیا ہوا کہ میں شہزادی سے کنیز بھی ناں رہی ۔۔۔
کیا مجھے سچ میں کچھ نہیں آتا۔۔۔۔
تو پتا چلا کہ مجھے کچھ پوچھنے کی اجازت بھی نہیں ۔۔۔۔جو مجھے کہا جائے مجھے وہی سمجھنا ہے بس ۔。。。
ان ہی روزوشب میں ٹائم گزرتا گیا اور میرے رب نے مجھے ایک گڑیا سی بیٹی عطا کی۔۔۔۔اپنی رحمت اس نے مجھے دی۔۔۔

بیٹی کی خوشی

میں بہت خوش تھی کہ میرے کان میں آواز آئی۔۔۔۔بیٹی کی پیدائش پہ کون خوش ہوتا ہے۔۔۔میرا دل کانپنے لگا۔۔۔
کیا یہ خوشی بھی میری خوشی نہیں۔۔۔۔
کہ اچانک میرے کانوں میں اپنے شوہر کی آواز آئی۔۔۔۔۔۔
کہ یہ میری شہزادی بیٹی ہے۔۔۔۔یہ بہت نصیبوں والی ہو گی۔۔۔
میں اس کا نام
"بخت آور" رکھوں گا۔۔۔۔
یعنی پھر ایک باپ کو اپنی بیٹی شہزادی لگی۔۔۔۔
اور میں سوچنے لگی کہ بابا سے پوچھوں گی بابا کہ باپ کو جو کچھ بیٹی میں نظر آتا ہے وہ زمانے کو نظر کیوں نہیں آتا۔۔۔۔
کیوں بابا کی شہزادی میں انہیں سو عیب دکھتے ہیں۔۔۔۔۔
ارے شہزادی ناں سمجھو بیٹی ہی سمجھ لو۔۔۔بیٹی ناں سمجھو انسان ہی سمجھ لو۔۔۔۔۔۔!!!!!
بابا کی خوشی بٹیا سسرال والوں کی خوشی بٹیا کیوں نہیں بن پاتی۔۔۔۔۔؟