گھر کی مرمت کے دوران نئے مالکان کو پرانے مالک کی لاش مل گئی

پیرس میں حیرت انگیز دریافت

پیرس (ڈیلی پاکستان آن لائن) فرانس میں گھر کی مرمت کے دوران نئے مالکان کو گھر کے پرانے مالک کی لاش مل گئی۔

یہ بھی پڑھیں: او آئی سی ممالک فلسطین اور مقبوضہ کشمیر کے مظلوم عوام کی حمایت میں آواز بلند کریں: تہران میں ڈاکٹر آصف محمود جاہ کا خطاب

لاش کی دریافت کی تفصیلات

غیر ملکی میڈیا کے مطابق، ایک مکان کے نئے مالکان کو مکان کی مرمت اور تزئین و آرائش کے دوران مکان سے ملحقہ عمارت کی دو چھتی پر ایک انسانی ڈھانچہ ملا۔

یہ بھی پڑھیں: قومی اسمبلی کا اجلاس کل دوبارہ شروع ہوگا

پرانے مالک کی ممکنہ شناخت

اس انسانی ڈھانچے کے بارے میں خیال کیا جارہا ہے کہ یہ مکان کے پرانے مالک کا ہے جو 2009 میں لاپتا ہوگیا تھا۔

حکام کا کہنا ہے کہ ڈھانچے کے قریب چھت پر رسی بھی بندھی ہوئی ملی ہے، جس سے اس بات کا امکان ظاہر ہورہا ہے کہ مرنے والے شخص نے خودکشی کی ہے۔

یہ بھی پڑھیں: پنجاب میں دفعہ 144 کے نفاذ میں توسیع

چھت کی ساخت اور راز

حکام کا یہ بھی کہنا ہے کہ یہ ڈھانچہ جس دوچھتی میں ملا ہے اس کا صرف ایک ہی دروازہ ہے، جو اس طرح بنایا گیا ہے کہ آسانی سے نظر نہ آسکے۔

یہ بھی پڑھیں: نواز الدین صدیقی نے سلمان خان کی فلم سکندر کے فلاپ ہونے کی وجہ بتا دی

تفتیش اور قانونی حیثیت

غیر ملکی میڈیا کا کہنا ہے کہ گھر کا پرانا مالک 2009 میں لاپتا ہوگیا تھا اور اس وقت اس کی عمر 79 سال تھی۔ مقامی حکام نے اس شخص کی تلاش کے لیے تحقیقات کا آغاز کیا اور 2016 میں تحقیقات بند کردی گئیں۔

بعد ازاں مقامی عدالت نے 2021 میں اس شخص کو قانونی طور پر مردہ قرار دے دیا تھا۔

لاش کی شناخت کا عمل

ملنے والی لاش کا پوسٹ مارٹم کرنے اور شناخت کی تصدیق کرنے کے لیے اسے ہسپتال بھجوادیا گیا ہے۔