امریکا میں صدارتی انتخاب کے نتائج سے قبل نیشنل زو کی ہتھنی کملا مر گئی

امریکا میں صدارتی انتخابات کی گونج

واشنگٹن (ڈیلی پاکستان آن لائن) امریکا میں صدارتی انتخابات کی گہما گہمی جاری ہے۔ 50 سے زائد ریاستوں میں ووٹنگ کا عمل مکمل ہوچکا ہے۔ ایگزٹ پول کے مطابق، ڈونلڈ ٹرمپ کو اپنی سیاسی حریف کملا ہیرس کے مقابلے میں سبقت حاصل ہے۔

یہ بھی پڑھیں: حسن نواز: دیوالیہ پن کیا ہے اور برطانیہ میں اس کی کیا اہمیت ہے؟

نیشنل چڑیا گھر کا سانحہ

اسی دوران، واشنگٹن میں نیشنل چڑیا گھر میں ایشیائی ہاتھیوں کے ریوڑ کی طویل عرصے سے رکن کملا مر گئی۔ نیشنل زو (قومی چڑیا گھر) کی پیاری ہتھنی کملا کئی عرصے سے اوسٹیو ارتھرائٹس سے نبرد آزما تھی اور اس کا علاج بھی جاری تھا۔

یہ بھی پڑھیں: برطانیہ: لڑکیوں سے زیادتی کرنے والے 20 ملزمان کو مجموعی طور پر 219 سال قید کی سزا

انٹرنیٹ پر رد عمل

نیشنل زو کی جانب سے 50 سالہ کملا کی موت کی اطلاع ملتے ہی انٹرنیٹ پر ایک بھونچال آگیا۔ صارفین نے کملا کی موت کو کملا ہیرس کے لئے بدشگونی قرار دیا، خاص طور پر اس وقت جب صدارتی انتخاب کے لئے ووٹنگ کا عمل مکمل ہوا اور کملا ہیرس کے لئے ٹرمپ کو شکست دینا آسان نہیں ہوگا۔

سوشل میڈیا پر بحث

ایک صارف نے کہا کہ نیشنل زو کی کملا ٹرمپ کی بددعاؤں کی وجہ سے مری۔ ٹرمپ نے اپنی سیاسی حریف کملا ہیرس کو بددعائیں دیں، اور یہ بددعائیں نیشنل زو کی کملا کو منتقل ہوگئیں جس سے اس کی موت واقع ہوئی۔