ہنی سنگھ نے پاکستانی گلوکار کو کریڈٹ دیکر سرائیکی گانا گایا

پاکستانی گانوں کی مقبولیت

ممبئی (ڈیلی پاکستان آن لائن) بالی وڈ میں پاکستانی گانوں کو ہمیشہ ہی پسند کیا جاتا ہے اور انہیں چرایا بھی جاتا ہے جس کا پاکستانی گلوکاروں کو کوئی کریڈٹ بھی نہیں دیا جاتا۔

یہ بھی پڑھیں: اسٹیٹ بینک آف پاکستان نے رمضان المبارک میں بینکوں کے لئے اوقات کار جاری کردیے

ہنی سنگھ کا انوکھا اقدام

تاہم حال ہی میں بھارتی گلوکار و ریپر ہنی سنگھ کی ایک ویڈیو وائرل ہوئی جس میں انہیں پاکستان کی سرائیکی زبان کا مشہور گانا 'بسم اللہ کراں' گاتے ہوئے دیکھا گیا۔

یہ بھی پڑھیں: ایران نے جوہری پروگرام بحال کیا تو امریکا کارروائی کرے گا: ٹرمپ کا انتباہ

ندیم عباس کو کریڈٹ دینا

اس دوران سب سے توجہ طلب بات یہ تھی کہ گلوکار نے حاضرین کو اس گانے کے اصل گلوکار 'ندیم عباس' کے حوالے سے بتایا اور پاکستانی گلوکار کو کریڈٹ دیتے ہوئے 'بسم اللہ کراں' گانا گا کر حاضرین کی داد وصول کی۔

یہ بھی پڑھیں: سپریم کورٹ میں کل اہم مقدمات سماعت کیلیے مقرر

سوشل میڈیا پر پذیرائی

سوشل میڈیا پر وائرل ہونے والی اس ویڈیو میں گلوکار ہنی سنگھ کا ندیم عباس کو کریڈٹ دینا مداحوں کو پسند آیا جس کی مداحوں نے تعریف بھی کی۔

ندیم عباس کا البم

واضح رہے کہ ندیم عباس لونے والا نے 'ندیم عباس لونے والا کے اداس گانے' کے نام سے اپنی البم بنائی تھی اور 'بسم اللہ کراں' گانا بھی اسی البم میں شامل تھا جو 2015 میں ریلیز ہوا۔