قومی راز افشاں کرنے پر خفیہ ایجنسی کے سابق اہلکار کو سزائے موت سنا دی گئی

سابق انٹیلی جنس اہلکار کی موت کی سزا

بیجنگ (ڈیلی پاکستان آن لائن) چین میں قومی راز افشاں کرنے والے سابق انٹیلی جنس اہلکار کو سزائے موت دے دی گئی۔

یہ بھی پڑھیں: اسرائیل کا ایران کے جواب کا فیصلہ: امریکی صدر بائیڈن کی بے باک رائے

اہلکار کی شناخت اور اس کی کاروائیاں

غیر ملکی میڈیا کے مطابق وزارت سٹیٹ سیکیورٹی نے بیان میں کہا کہ ایک اہلکار کو اپنے عہدے سے الگ ہونے کے بعد غیرملکی خفیہ ایجنسی کو ریاستی راز دینے پر سزا سنائی گئی ہے، جنہیں بڑے پیمانے پر ریاستی راز تک رسائی حاصل تھی اور ان کی شناخت ژینگ کے نام سے ہوئی ہے۔

بیان میں کہا گیا کہ ژینگ اسٹیٹ ایجنسی کی انتہائی خفیہ اہلکاروں کے گروپ کا رکن تھا تاہم بیان میں ریاستی ایجنسی کا نام واضح نہیں کیا گیا ہے۔

یہ بھی پڑھیں: سیکیورٹی فورسز کاضلع خیبر کے علاقے باغ میں انٹیلی جنس بیسڈ آپریشن ، سرغنہ بتور سمیت 4خوارج جہنم واصل ،3 زخمی

چین کی قومی سلامتی کو خطرات

اس ضمن میں بتایا گیا کہ سابق اہلکار نے انتہائی حساس اور ریاستی خفیہ راز غیر ملکی جاسوسی ایجنسیوں کو لیک کر کے چین کی قومی سلامتی کو بدترین خطرے سے دوچار کردیا۔

غیر ملکی خفیہ ایجنسی کا نام خفیہ

چینی وزارت نے بیان میں واضح نہیں کیا کہ ژینگ نے کون سی غیرملکی خفیہ ایجنسی کو چین کے قومی راز فراہم کیے تھے اور کون سے راز دیے تھے۔