نواز شریف لندن سے جنیوا روانہ، مریم نواز کے ساتھ چار دن قیام کریں گے

نواز شریف کی جنیوا روانگی

لندن (ڈیلی پاکستان آن لائن) مسلم لیگ (ن) کے صدر نواز شریف لندن سے جنیوا روانہ ہو گئے ہیں جہاں وہ وزیراعلیٰ پنجاب مریم نواز کے ساتھ چار دن قیام کریں گے۔

یہ بھی پڑھیں: سالانہ ترقیاتی سکیموں کے بارے میں اہم اجلاس، ڈی سی آفس لاہور و کمشنر کمپلیکس راولپنڈی کی تزئین و آرائش کا فیصلہ

الوداع کی تقریب

لندن سے روانگی کے موقع پر میاں نواز شریف کا کہنا تھا کہ "جنیوا جارہا ہوں، واپس آکر بات کروں گا۔" دوسری جانب لیگی کارکن اپنے قائد کو الوداع کہنے کے لیے کئی گھنٹے پہلے ہی ایون فیلڈ پہنچ گئے تھے۔

یہ بھی پڑھیں: ایف بی آر کو ٹیکس وصولیوں میں بدترین شارٹ فال، خسارہ 1016 ارب روپے تک پہنچ گیا

مریم نواز کی صحت اور سیاست

اس موقع پر صحافیوں کے مریم نواز کی صحت اور سیاست کے حوالے سے سوالوں کے جواب میں ان کا کہنا تھا کہ "مریم نواز کی صحت ٹھیک ہے، سیاسی معاملات پر واپسی پر بات ہوگی۔"

یہ بھی پڑھیں: چیمپئنز ٹرافی؛ آئی سی سی نے انڈین کرکٹ بورڈ سے پاکستان نہ آنے کی تحریری وجوہات مانگ لیں

جنیوا میں قیام

خیال رہے نواز شریف جنیوا میں وزیراعلیٰ پنجاب مریم نواز کے ہمراہ تقریباً چار دن گزاریں گے، مریم نواز تبدیل شدہ پروگرام کے تحت اب پاکستان سے لندن آنے کے بجائے سیدھا جنیوا جائیں گی اور وہ وہاں اپنے گلے کا معائنہ کرائیں گی۔

مریم نواز کا علاج

یاد رہے کہ مریم نواز کے گلے کا آپریشن گزشتہ برس جنیوا میں ہی ہوا تھا، وہ جنیوا میں اپنا علاج مکمل کر کے نواز شریف کے ہمراہ لندن پہنچیں گی۔