ٹرمپ کی دولت میں ایک دن کے دوران کھربوں کا اضافہ ، امریکی تاریخ کے امیر ترین صدر بن گئے

ڈونلڈ ٹرمپ کی دولت میں اضافہ

نیویارک(ڈیلی پاکستان آن لائن) دوسری بار امریکی صدر منتخب ہونے کے بعد ڈونلڈ ٹرمپ کی دولت میں کھربوں روپے کا اضافہ ہوا، جس کے بعد وہ امریکی تاریخ کے امیر ترین صدر بن گئے۔

یہ بھی پڑھیں: وفاقی بیوروکریسی میں تقرر و تبادلے

سوشل میڈیا کمپنی کی مالیت

گزشتہ روز ڈونلڈ ٹرمپ کی سوشل میڈیا کمپنی ٹروتھ سوشل کی مالیت میں ایک ارب ڈالر (2 کھرب ، 77 ارب 83 کروڑ 74 لاکھ روپے) اضافہ ہوا۔ بلومبرگ بلینیئرز انڈیکس کے مطابق جون 2024 تک ٹرمپ کی دولت 21 کھرب 40 ارب روپے (7 ارب 70 کروڑ ڈالر) ہے۔ اس سے پہلے جان ایف کینیڈی ایک ارب 30 کروڑ ڈالر دولت کے ساتھ امیر ترین صدر تھے۔

ٹرمپ کے اثاثے

ٹرمپ گولف کورسز، اعلیٰ رہائشی جائیدادوں، شراب خانے اور 1991 کے بوئنگ 757 کے بھی مالک ہیں جس کا نام ٹرمپ فورس ون ہے۔ وہ امریکی تاریخ میں واحد صدر ہیں جن کا دو بار مواخذہ کیا گیا ہے۔