وطن کی حفاظت کیلئے پرعزم ہیں: جنرل ساحر شمشاد مرزا

چیئرمین جوائنٹ چیفس آف سٹاف کمیٹی کا خطاب

اسلام آباد (ڈیلی پاکستان آن لائن) چیئرمین جوائنٹ چیفس آف سٹاف کمیٹی جنرل ساحر شمشاد مرزا نے کہا ہے کہ وطن کی حفاظت کیلئے پرعزم ہیں، پاکستان کسی بھی جارحیت سے نمٹنے کی پوری صلاحیت رکھتا ہے۔

یہ بھی پڑھیں: فخر زمان کیلئے مسائل بڑھ گئے، ایک اور پریشان کن خبر

گریجویشن پریڈ کی تقریب

ان خیالات کا اظہار انھوں نے پی اے ایف اکیڈمی اصغر خان میں گریجویشن پریڈ کی تقریب سے بطور مہمان خصوصی خطاب کرتے ہوئے کیا۔ پی اے ایف اکیڈمی اصغر خان سے 150 ویں جی ڈی پی، 96 ای سی اور 106 اے ڈی کورس کے شرکا پاس آؤٹ ہوئے۔ 26 ویں اے اینڈ ایس ڈی، نویں ایل او جی اور 132 ویں سی ایس کورسز کے شرکا بھی پاس آؤٹ ہوں گے۔

یہ بھی پڑھیں: جے شنکر کا دورہ: کثیر جہتی تعلقات کو بہتر بنانے کے نئے امکانات

پاکستان کی حمایت

چیف آف دی ایئر سٹاف ظہیر احمد بابر سندھو بھی اس موقع پر موجود تھے۔ اپنے خطاب میں جنرل ساحر شمشاد مرزا نے کہا کہ پاکستان کشمیریوں کی منصفانہ جدوجہد آزادی میں ان کے ساتھ کھڑا ہے، فلسطین میں اسرائیلی جارحیت کی شدید مذمت کرتے ہیں۔

فلسطین میں صورتحال

اسرائیل فلسطینیوں پر ظلم و جبر کے پہاڑ توڑ رہا ہے، پاکستان مسئلہ فلسطین کے دو ریاستی حل کا حامی ہے۔ جنرل ساحر شمشاد مرزا نے مزید کہا کہ افغانستان میں امن و استحکام خطے کے مفاد میں ہے۔