قائداعظم ٹرافی کرکٹ ٹورنامنٹ کے تیسرے راؤنڈ کا پہلا دن، لاہور وائٹس اور ایبٹ آباد کے باولر ز نے میدان مار لیا

قائداعظم ٹرافی کرکٹ ٹورنامنٹ - تیسرے راؤنڈ کا خلاصہ

لاہور (سپورٹس رپورٹر) قائداعظم ٹرافی کرکٹ ٹورنامنٹ کے تیسرے راؤنڈ کے پہلے دن کے کھیل کی خاص بات لاہور وائٹس کے احمد بشیر کی اسلام آباد کے خلاف اور ایبٹ آباد کے محمد عادل کی لاڑکانہ کے خلاف سات سات وکٹوں کی عمدہ کارکردگی تھی۔ احمد بشیر اس ٹورنامنٹ میں سب سے زیادہ 22 وکٹوں کے ساتھ سرفہرست ہوگئے ہیں۔

یہ بھی پڑھیں: ترکیہ میں عید الاضحیٰ کے پہلے روز جانوروں کو ذبح کرنے کے دوران 14 ہزار سے زائد افراد زخمی

سیالکوٹ کی شاندار کارکردگی

سیالکوٹ کے اذان اویس اور عاشر محمود نے ڈیرہ مراد جمالی کے خلاف اوپننگ ڈبل سنچری پارٹنرشپ قائم کی۔ شعیب اختر کرکٹ اسٹیڈیم راولپنڈی میں کراچی وائٹس اور راولپنڈی کے درمیان میچ پچ کی صورتحال کے سبب بارہویں اوور میں روک دیا گیا۔ اس وقت کراچی وائٹس نے 3 وکٹوں پر 28 رنز بنائے تھے۔

یہ بھی پڑھیں: ملکی تاریخ میں پہلی بار سونا 4 لاکھ 3 ہزار 600 روپے فی تولہ ہو گیا

ایبٹ آباد کی فتح

نیشنل گراؤنڈ اسلام آباد میں لاڑکانہ کی ٹیم ایبٹ آباد کے خلاف صرف 63 رنز بناکر آؤٹ ہوگئی۔ محمد عادل نے صرف 16 رنز دے کر 7 وکٹیں حاصل کیں۔ ایبٹ آباد نے کھیل ختم ہونے پر 81 رنز بنائے تھے اور اس کے 2 کھلاڑی آؤٹ ہوئے تھے۔

یہ بھی پڑھیں: پنجاب: شدید دھند کے باعث ٹریفک حادثات میں 3 افراد جاں بحق، 15 زخمی

آزاد جموں کشمیر اور پشاور کا مقابلہ

اشفاق گراؤنڈ چارسدہ میں آزاد جموں کشمیر کی ٹیم پشاور کے خلاف 171 رنز بناکر آؤٹ ہوگئی۔ ساجد خان نے 52 رنز دے کر 5 وکٹیں حاصل کیں۔ پشاور نے کھیل ختم ہونے پر 2 وکٹوں پر 74 رنز بنائے تھے۔

یہ بھی پڑھیں: ایرانی جوہری تنصیبات تباہ نہ ہونے کی رپورٹس پر ٹرمپ امریکی میڈیا پر برس پڑے

حیدرآباد بمقابلہ فیصل آباد

ڈائمنڈ کرکٹ گراؤنڈ اسلام آباد میں حیدرآباد کی ٹیم فیصل آباد کے خلاف پہلے بیٹنگ کرتے ہوئے 96 رنز بناکر آؤٹ ہوگئی۔ کاشف بھٹی 36 رنز کے ساتھ ٹاپ سکورر رہے۔ اسد رضا اور شاہد علی نے چار چار وکٹیں حاصل کیں۔ جواب میں فیصل آباد نے 8 وکٹوں پر 212 رنز بنائے تھے۔ محمد فیضان نے 83 رنز سکور کیے۔ بلاول بھٹی نے 4 وکٹیں حاصل کیں۔

یہ بھی پڑھیں: وزیرِ دفاع خواجہ آصف کی فیلڈ مارشل عاصم منیر اور ایئر چیف مارشل ظہیر احمد بابر کو مبارک باد

لاہور بلوز کا مقابلہ کوئٹہ کے ساتھ

سعید سپورٹس سٹی لاہور میں کوئٹہ کی ٹیم لاہور بلوز کے خلاف پہلی اننگز میں 101 رنز بناکر آؤٹ ہوگئی۔ شہباز خان 57 رنز بناکر ٹاپ سکورر رہے۔ نثار احمد نے 25 رنز دے کر 5 وکٹیں حاصل کیں۔ لاہور بلوز نے 5 وکٹوں پر 36 رنز بنائے تھے۔

یہ بھی پڑھیں: جسٹس طارق محمود جہانگیری ڈگری کیس کا فیصلہ کچھ دیر میں سنایا جائے

لاہور وائٹس کی کامیابی

مرغزار کرکٹ گراؤنڈ اسلام آباد میں اسلام آباد کی ٹیم لاہور وائٹس کے خلاف پہلی اننگز میں 167 رنز بناکر آؤٹ ہوگئی۔ ارسل شیخ 63 رنز بناکر ناٹ آؤٹ رہے۔ احمد بشیر نے 31 رنز دے کر 7 وکٹیں حاصل کیں۔ لاہور وائٹس نے کھیل ختم ہونے پر 3 وکٹوں پر 90 رنز بنائے تھے۔

یہ بھی پڑھیں: ترک خاتون اوّل کی خصوصی دعوت ،وزیراعلیٰ مریم نواز ترکیہ کا دورہ کریں گی

کراچی بلوز اور فاٹا کا مقابلہ

کرکٹ سٹیڈیم ملتان میں کراچی بلوز نے فاٹا کے خلاف 5 وکٹوں پر 221 رنز بنائے تھے۔ عبداللہ فضل نے 96 رنز پر ناٹ آؤٹ ہیں۔ ایبٹ آباد اسٹیڈیم میں بہاولپور نے ملتان کے خلاف 2 وکٹوں پر 238 رنز بنائے تھے۔ عابد علی 64 اور علی حمزہ 84 رنز کے ساتھ نمایاں رہے۔ دونوں نے پہلی وکٹ کی شراکت میں 123 رنز کا اضافہ کیا۔

سیالکوٹ کی شاندار اوپننگ پارٹنرشپ

رانا نوید اکیڈمی شیخوپورہ میں سیالکوٹ نے ڈیرہ مراد جمالی کے خلاف بغیر کسی نقصان کے 200 رنز بنائے تھے۔ اذان اویس اور عاشر محمود نے پہلی وکٹ کے لیے ڈبل سنچری اوپننگ پارٹنرشپ قائم کی۔ عاشر محمود 112 اور اذان اویس 76 رنز بناکر ناٹ آؤٹ ہیں۔ 20 سالہ اذان اویس نے لگاتار تیسرے میچ میں نصف سنچری سکور کی ہے۔