مرغ کی شکل جیسے ہوٹل نے گنیز بک آف ورلڈ ریکارڈز میں نام لکھوا لیا

دنیا کا منفرد ہوٹل

نیگروس(ڈیلی پاکستان آن لائن) آپ نے ہوٹلوں میں مرغ تو دیکھے ہوں گے اور کھائے بھی ہوں گے لیکن شاید آپ نے کسی ’مرغ‘ میں ہوٹل اب تک نہیں دیکھا ہو، یہ فلپائن میں دیکھا جاسکتا ہے۔

یہ بھی پڑھیں: علیزہ شاہ نے سوشل میڈیا سے کنارہ کشی کرنے کا اعلان کر دیا

چکن نما عمارت کا تعارف

فلپائن کے ریزورٹ میں دنیا کی سب سے بڑی چکن نما عمارت ہے، اس مرغے کی شکل کے بنائے گئے ایک ہوٹل نے گنیز بک آف ورلڈ ریکارڈ میں جگہ بنالی۔ نیگروس آکسیڈینٹل میں واقع کیمپیوستوہان ہائی لینڈ ریزورٹ تقریباً 115 فٹ بلند ہے اور اس میں 15 ایئر کنڈیشنڈ کمرے ہیں۔

یہ بھی پڑھیں: پاکستان اور بھارت میں اچانک جنگ بندی کیسے ہوئی؟ سی این این نئی تفصیلات سامنے لے آیا

ہوٹل کے مالک کا وژن

ہوٹل کے مالک ریکارڈو کینو گوپو ٹین نے کہا کہ وہ چاہتے تھے کہ ریزورٹ کی یہ عمارت سب کی توجہ کا مرکز بنے، اس لیے انہوں نے گنیز ورلڈ ریکارڈز کو بتایا کہ وہ کچھ ایسا بنانے کی ٹھان لی تھی جو عوام کی پذیرائی حاصل کر سکے۔

یہ بھی پڑھیں: پاک، امریکہ تعلقات میں بڑا’’ ری سیٹ‘‘، بھارت کے ’’عالمی کھلاڑیوں‘‘ سے تعلقات متاثر، ساؤتھ ایشیا میں حقیقی’’ ریجنل اسٹیبلائزر ‘‘ کون۔۔؟ تہلکہ خیز رپورٹ

مقامی ثقافت کی عکاسی

انہوں نے کہا کہ مرغ کی شکل کی یہ عمارت مقامی ثقافت کو بھی خراج تحسین پیش کرتی ہے۔ نیگروس اوکسیڈینٹل شہر میں اصیل مرغوں کے کاروبار سے ملک کے لاکھوں افراد وابستہ ہیں۔ اگر آپ مرغ کو دیکھیں تو وہ پرسکون، کمانڈنگ اور مضبوط نظر آتا ہے جو ہمارے لوگوں کے رویے کی عکاسی کرتا ہے۔

گنیز ورلڈ ریکارڈ کی کامیابی

خیال رہے کہ یہ مرغ ہوٹل جو 114 فٹ، 7 انچ لمبا ہے، اس کے مالک کو مرغ کی شکل میں سب سے بڑی عمارت بنانے پر گنیز ورلڈ ریکارڈ سے نوازا گیا۔