لاہور میں مصنوعی بارش برسانے کا فیصلہ کرلیا گیا

سموگ کی بگڑتی صورتحال

لاہور (ڈیلی پاکستان آن لائن) لاہور میں سموگ کی بگڑتی صورتحال پر محکمہ ماحولیات اور موسمیات نے 11 اور 12 نومبر کو مصنوعی بارش کی تیاریاں شروع کردیں۔

یہ بھی پڑھیں: سپورٹس بورڈ پنجاب کے زیر اہتمام پنجاب کی تاریخ کی سب بڑے گیمز ”کھیلتا پنجاب،، کا آغاز کل سے ہوگا

محکمہ موسمیات کی مانیٹرنگ

محکمہ موسمیات کے مطابق، لاہور میں سموگ کے تدارک کے لیے مصنوعی بارش کے لیے مانیٹرنگ شروع کر دی گئی ہے۔ 11 اور 12 نومبر کو بادلوں میں 30 فیصد نمی کا امکان ہے۔

سیکریٹری ماحولیات کی بیان

سیکریٹری ماحولیات راجہ جہانگیر انور نے کہا کہ اگر نمی والے بادل آئے تو رواں سیزن میں مصنوعی بارش کا پہلا ٹرائل ہوگا۔ آرمی ایوی ایشن نے مصنوعی بارش کی ٹیکنالوجی تیار کی ہے، اور مصنوعی بارش کے لیے سازگار موسم درکار ہے۔ تیاری مکمل کر لی گئی ہے۔