لاہور: صلح کیلئے بلائی گئی پنچایت میں جھگڑا ، ایک شخص ہلاک

واقعہ کی تفصیلات

لاہور(ڈیلی پاکستان آن لائن) گجر پورہ میں معمولی جھگڑے کے بعد صلح کے لئے بلائی گئی پنچایت میں مخالفین کی فائرنگ سے ایک شخص ہلاک ہوگیا۔

یہ بھی پڑھیں: پھول نگر میں زہریلی شراب پینے سے 4 افراد کی ہلاکت، وزیر اعلیٰ کا نوٹس، کریک ڈاؤن کا حکم دیدیا

جھگڑے کا پس منظر

نجی ٹی وی جیو نیوز نے پولیس کے حوالے سے بتایا کہ ملزمان، جبران، بختیار اور صدام خان نامی افراد، کی 4 روز قبل مقتول صدام مغل اور اس کے بھائی قیصر سے لڑائی ہوئی تھی۔

یہ بھی پڑھیں: وزیرخارجہ اسحٰق ڈار کا ازبکستان کے ہم منصب سے ٹیلی فونک رابطہ، ریلوے پروجیکٹ پر تبادلہ خیال

فائرنگ کا واقعہ

پولیس کا بتانا ہے کہ علاقہ معززین کے کہنے پر فریقین صلح کے لئے چائنہ سکیم میں اکٹھے ہوئے۔ اسی دوران ان میں تلخ کلامی ہوئی جس پر ملزمان نے فائرنگ کردی۔ گولیاں لگنے سے صدام مغل موقع پر ہلاک جبکہ اس کا بھائی قیصر زخمی ہوگیا۔

پولیس کی کارروائی

پولیس کے مطابق ملزمان نے مقتول کے گھر پر بھی فائرنگ کی تھی۔ واقعہ کا مقدمہ درج کر کے تحقیقات شروع کر دی گئی ہیں۔