سابق صدر نکسن کے سیکرٹری چک کالسن کو چند سال قید میں گزارنا پڑے، جو لوگ واٹر گیٹ سکینڈل میں ملوث تھے انہیں قانون کے مطابق سزائیں ہوئیں

فیملی کا تعارف

مصنف: جسٹس (ر) بشیر اے مجاہد
قسط: 80

چودھری فتح محمد صاحب کی اولاد

برادر چودھری فتح محمد کے دو بیٹے، عبدالرزاق اور سجاد احمد، اور دو بیٹیاں، پروین اور نسرین، نیو کاسل میں سیٹل ہیں۔ عبدالرزاق کے ایک بیٹا اور ایک بیٹی ہیں۔ بیٹے راشد نے گریجوایشن کے بعد جرنلزم میں شوق سے کام کرنا شروع کر دیا ہے جبکہ بیٹی راحت چارٹرڈ اکاؤنٹنٹ ہے اور وہ بھی نیو کاسل میں ملازمت کر رہی ہے۔ پروین نے گریجوایشن کرنے کے بعد سوشل ویلفیئر ڈیپارٹمنٹ میں ملازمت کر لی، جبکہ اس کے خاوند ظفر انجینئر ہیں اور ان کی دو بیٹیاں، عائشہ اور فائزہ ہیں۔ عائشہ نے لاء میں گریجوایشن کی ہے جبکہ فائزہ ابھی زیر تعلیم ہے۔ نسرین کے دو بیٹیاں ہیں۔ سجاد کے بھی ایک بیٹا اور ایک بیٹی ہے۔

میرے بھائی اور ان کی فیملی

میرے دوسرے بھائی سردار محمد شاہد بھی نیوکاسل میں رہائش پذیر ہیں۔ ان کے دو بیٹے، مقصود شاہد اور منصور شاہد، اپنی تعلیم مکمل کرنے کے بعد پراپرٹی کے کامیاب کاروبار میں مصروف ہیں۔ ان کی تین بیٹیاں ہیں؛ نسیم امریکہ میں شادی شدہ ہے، تسنیم نیو کاسل میں اپنے خاوند اور بچوں کے ساتھ رہتی ہے، اور چھوٹی شمیم مانچسٹر کے قریب ہڈرزفیلڈ میں رہائش پذیر ہے، جہاں اس کا خاوند، امین اللہ، ایک کامیاب سولسٹر (وکیل) ہے۔ میرے دو بھانجے، ریاض خالد اور عابد، نیوکاسل میں کامیابی سے اپنا کاروبار کر رہے ہیں، جبکہ ایک بھانجا ساجد جاوید رینالہ خورد میں زمیندارہ اور کاروبار کر رہا ہے۔ سب سے چھوٹا، شاہد اسماعیل، فوج میں کرنل ہے۔ ان کی تین بہنیں اپنے اپنے گھروں میں آباد ہیں۔ یہی میری فیملی کی مختصر سی کہانی ہے۔

چودھری محمد اسماعیل

چودھری محمد اسماعیل، جو میرے بہنوئی تھے، اس کے علاوہ میرے قریبی عزیز بھی تھے۔ وہ محکمہ انہار میں ملازم تھے اور 55 سال کی عمر میں انتقال کر گئے۔ ہماری ہمشیرہ، دو تین بار مختصر وقت کے لیے نیوکاسل میں اپنے بیٹوں کے پاس رہی ہیں، تاہم چار سال قبل ان کا بھی انتقال ہو گیا۔

مقصود احمد شاہد کی فیملی

مقصود احمد شاہد کی بیٹی مصباح ایک ڈینٹل سرجن ہے جبکہ ان کا داماد جاوید معالج ڈاکٹر ہے۔ یہ لوگ اپنی چار سالہ بیٹی انعم اور دو سالہ بیٹے عظیم کے ساتھ لندن میں رہائش پذیر ہیں۔ ان کے دو بیٹے، عثمان شاہد اور رضوان شاہد، تعلیم مکمل کر کے مطمئن زندگی گزار رہے ہیں۔ منصور شاہد اور اس کی بیوی حنا شاہد کے بچے حارث سمیع اور بیٹی بھی زیرِ تعلیم ہیں۔

کینیڈا میں کانفرنس

قیدیوں کے لئے انصاف اور رحم

جب میں لاہور ہائی کورٹ کا جج تھا تو کچھ ملکی اور غیر ملکی لوگ مجھ سے ملنے آئے اور بتایا کہ وہ امریکن تنظیم "پرزنرز فیلوشپ موومنٹ" سے وابستہ ہیں۔ 2002 میں، انہوں نے مجھے سابق امریکی صدر رچرڈ نکسن کے سیکرٹری چک کالسن کے بارے میں بتایا، جنہیں چند سال قید میں گزارنا پڑا۔ ان کا کہنا تھا کہ قید کے دوران ان کی خواب میں حضرت مسیح علیہ السلام سے ملاقات ہوئی، جنہوں نے ان سے کہا کہ قیدیوں اور ان کے اعزاء کے ساتھ رحم دلی، محبت، عفو و درگزر کا سلوک کیا جائے۔ ان کا کہنا تھا کہ سزا یافتہ قیدی بھی انسان ہیں اور اگر انہیں مہربانی سے پیش آیا جائے تو شاید وہ اپنی اصلاح کر لیں۔

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔