حکومت کا کام پالیسی فریم ورک، معاشی بہتری کیلئے مل کر کردار ادا کرنا ہوگا: وزیر خزانہ

حکومت کا کردار

کراچی( ڈیلی پاکستان آن لائن ) وفاقی وزیر خزانہ محمد اورنگزیب نے کہا ہے کہ حکومت کا کام پالیسی فریم ورک ہے، معیشت کی بہتری کے لیے سب کو کردار ادا کرنا ہوگا۔

یہ بھی پڑھیں: نوجوان کرکٹر میچ کے دوران دل کا دورہ پڑنے سے چل بسا

سکیورٹیز اینڈ ایکسچینج کمیشن کی سمٹ

کراچی میں سکیورٹیز اینڈ ایکسچینج کمیشن آف پاکستان (ایس ای سی پی) سٹارٹ اپ سمٹ سے ویڈیو لنک خطاب کرتے ہوئے وزیر خزانہ محمد اورنگزیب کا کہنا تھا کہ آئی ٹی کے شعبے میں ہونے والی ترقی پاکستان کے لیے گیم چینجر ثابت ہوگی، سٹارٹ اپ سسٹم اداروں کو بہتر کرنے میں معاون ثابت ہوں گے۔

یہ بھی پڑھیں: عدلیہ کی بحالی اور کارکنوں کی آزادی تک جدوجہد جاری رہےگی، عمران خان

اداروں کے درمیان رابطہ

انہوں نے کہا کہ چیزوں کو بہتر کرنے کے لیے اداروں کے درمیان رابطے مضبوط ہونا انتہائی ضروری ہے، آئی ٹی کے ذریعے ہی آگے بڑھایا جا سکتا ہے، مالیاتی شمولیت میں ٹیکنالوجی انتہائی اہم کردار ادا کرے گی۔

یہ بھی پڑھیں: ملٹری کورٹ سے سزا یافتہ 9 مئی کیسز کے 11 مجرم سینٹرل جیل لاہور منتقل

سعودی عرب میں ملاقات

محمد اورنگزیب نے بتایا کہ گزشتہ ہفتے ریاض میں سعودی عرب کے فرمانروا شاہ سلمان بن عبدالعزیز سے ملاقات ہوئی، ریاض میں منعقدہ کانفرنس کا تھیم آرٹیفشل سپر انٹیلی جنس تھا۔

یہ بھی پڑھیں: کشمیر کی آزادی جہاد کے سوا ممکن نہیں، حافظ نعیم الرحمان

معاشی بہتری کے اقدامات

وزیر خزانہ کا کہنا تھا کہ عالمی سطح پر سرمائے کی فراہمی میں تکنیکی درستگی آئی ہے، معیشت میں بہتری کے لیے اقدامات اولین ترجیح ہیں، چیزیں بہتر ہو رہی ہیں لیکن سب کو اپنا کردار ادا کرنا ہوگا۔

نجی شعبوں کی ذمہ داری

انہوں نے مزید کہا کہ حکومت کا کام پالیسی فریم ورک اور اس میں تسلسل برقرار رکھنا ہے، نجی شعبوں کی ذمہ داری ہے کہ وہ کاموں کو توسیع دیں۔