گرودوارہ روہڑی صاحب کے کنزرویشن و رینوویشن کام کا آغاز، صوبائی وزیر اور سیکرٹری داخلہ نے افتتاح کیا

وزیر اقلیتی امور کا گرودوارہ روہڑی صاحب کا دورہ

لاہور (ڈیلی پاکستان آن لائن) پرامن مذہبی سیاحت کے فروغ کیلئے وزیر اقلیتی امور رمیش سنگھ اروڑہ اور سیکرٹری داخلہ پنجاب نور الامین مینگل نے گرودوارہ روہڑی صاحب ایمن آباد کا دورہ کیا۔ صوبائی وزیر اور سیکرٹری داخلہ نے اس موقع پر مختلف ممالک سے آئے سکھ یاتریوں کو پاکستان میں خوش آمدید کہا۔

یہ بھی پڑھیں: حکومت نے خواجہ آصف کے ساتھ لندن میں پیش آئے واقعے کا نوٹس لے لیا

بابا گورونانک کے 555 ویں جنم دن کی تقریبات

وزیر اقلیتی امور سردار رمیش سنگھ اروڑہ نے اظہار خیال کرتے ہوئے کہا کہ بابا گورونانک کے 555 ویں جنم دن کی تقریبات میں شرکت کیلئے دنیابھر سے یاتریوں کی آمد جاری ہے۔ دنیا بھر سے 60 سے 70 ہزار سکھ یاتری جنم دن تقریبات میں شرکت کریں گے اور اس سلسلے میں دنیا بھر سے بڑی تعداد میں سکھ یاتری 20 نومبر کو گرودوارہ روہڑی صاحب ایمن آباد آئیں گے۔ مذہبی سیاحت کے فروغ سے پاکستان کا مثبت تشخص دنیا بھر میں اجاگر ہوگا۔

یہ بھی پڑھیں: سندھ ہائیکورٹ، 26ویں آئینی ترمیم کیخلاف درخواست سماعت کیلئے منظور

قدیم تاریخی اور مذہبی ورثہ

سیکرٹری داخلہ پنجاب نور الامین مینگل نے کہا کہ پاکستان میں موجود قدیم تاریخی اور مذہبی ورثہ دنیا بھر کے سیاحوں کی توجہ کا مرکز ہے اور پرامن ماحول، بہترین سیکیورٹی اور عمدہ انتظامات سے سیاحت کو فروغ دے رہے ہیں۔

یہ بھی پڑھیں: آئینی ترامیم کے معاملےپر پارٹی کا ساتھ نہ دینے والوں کو ایک موقع دیا جائے گا، زرتاج گل

کنزرویشن و رینوویشن ورک کا افتتاح

صوبائی وزیر اور سیکرٹری داخلہ نے گرودوارہ روہڑی صاحب کے کنزرویشن و رینوویشن ورک کا افتتاح بھی کیا۔ ساڑھے 4 کروڑ کی لاگت سے گرودوارہ روہڑی صاحب کے کنزرویشن کام کا آغاز کر دیا گیا ہے۔

انتظامات کی بریفنگ

اس موقع پر کمشنر گوجرانوالہ، آر پی او، ڈپٹی کمشنر اور سی پی او نے سکھ یاتریوں کیلئے کیے گئے انتظامات کے بارے میں بریفنگ دی۔