جلسے کیلئے تیاری مکمل ، مطالبات پورے نہ ہونے تک واپسی نہیں ہوگی: علی امین گنڈا پور

وزیراعلیٰ خیبرپختونخوا کی تیاریوں کا اعلان

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور کا کہنا ہے کہ ہماری تیاری پہلے ہی مکمل تھی، جب تک مطالبات پورے نہیں ہوتے واپسی نہیں ہوگی۔

یہ بھی پڑھیں: وزارت بین الصوبائی رابطہ کا انقلابی اقدام، اسلام آباد کے سرکاری سکولوں کے لیے کھیلوں کا بڑا تحفہ

میڈیا سے گفتگو

پشاور میں میڈیا سے گفتگو کرتے ہوئے، صحافی کے جلسے سے متعلق سوال کا جواب دیتے ہوئے وزیراعلیٰ نے کہا کہ علیمہ خان نے جلسے کا اعلان کردیا ہے۔ انہوں نے مزید کہا کہ ہماری تیاری پہلے ہی مکمل تھی، بہترین طریقے سے تیاری کررہے تھے اور اب بھی تیاری جاری ہے۔ اس بار بھی دیکھیں گے۔

یہ بھی پڑھیں: بجٹ میں ای کامرس یا آن لائن کاروبار کرنے والوں کو ٹیکس نیٹ میں لانے کا فیصلہ

واپسی سے متعلق بیان

وزیراعلیٰ علی امین نے واضح کیا کہ ہم نے پہلے ہی بتایا ہے کہ واپسی نہیں ہوگی، جب تک مطالبات پورے نہیں ہوتے واپسی نہیں ہوگی۔

یہ بھی پڑھیں: شہباز گل آستین کا سانپ، تم نے عمران خان کو دھوکہ دیا، ایجنسیوں کو وہ باتیں بتائیں جن کا عمران خان کے فرشتوں کو بھی علم نہیں تھا : اعظم سواتی

تقریب سے خطاب

قبل ازیں تقریب سے خطاب کرتے ہوئے وزیراعلیٰ نے کہا کہ ایجوکیشن کے ساتھ سپورٹس میں حصہ لینا اچھی بات ہے۔ آپ قوم کے وہ باشعور بچے ہیں جو ملک کو تبدیل کریں گے، ملک کو ایسا بنائیں گے جس کا خواب علامہ اقبال نے دیکھا تھا۔ میں خود سکواش چیمپئن شپ لاہور بورڈ سے جیتا ہوں، ایک دفعہ سندھ گیا دوسری مرتبہ پنجاب۔

یہ بھی پڑھیں: پنجاب پولیس کے جوان کا اغوا برائے تاوان میں ملوث ہونے کا انکشاف

بچیوں کی اہمیت اور ایونٹس

انہوں نے مزید کہا کہ ہماری بچیاں ہمارا اثاثہ ہیں، ان پر زیادہ خرچ کرو۔ امید کرتا ہوں کہ ایسے ایونٹس یہاں ہوتے رہیں گے۔

بانی پی ٹی آئی کا وژن

علی امین گنڈاپور نے کہا کہ بانی پی ٹی آئی کا ایک ویژن ہے، جو بھی کام کریں اگلی بار اس سے بہتر کریں۔ بانی چیئرمین کے وژن کے مطابق ہر کام اچھا کرنے کی کوشش کرتے ہیں۔