بھارت نے ٹورنامنٹ کے لیے ٹیم کا اعلان کر دیا

چوتھے ٹی ٹوئنٹی بلائنڈ کرکٹ ورلڈ کپ کے لیے ٹیم کا اعلان

نئی دہلی (ویب ڈیسک) کرکٹ ایسوسی ایشن آف دی بلائنڈ انڈیا نے رواں ماہ پاکستان میں کھیلے جانے والے چوتھے ٹی ٹوئنٹی بلائنڈ کرکٹ ورلڈ کپ کے لیے 17 رکنی ٹیم کا اعلان کردیا۔

یہ بھی پڑھیں: لاہور ہائیکورٹ نے بسنت کی اجازت کے خلاف درخواست پر ڈپٹی کمشنر اور ڈی جی پی آر افسران کو طلب کر لیا

ٹیم کی کیٹیگریز کی تفصیلات

نجی ٹی وی جیونیوز کے مطابق بی 1 کیٹیگری میں اجے کمار ریڈی، دیبراج بہیرا، نریش بھائی بلو بھائی، نیلیش یادیو، سنجے کمار شاہ، پروین کمار شرما شامل ہیں۔ بی 2 کیٹیگری میں وینکٹیشورا راؤ ڈنا، پنکج بھوئے، لوکیشا، رمبیر سنگھ، اور عرفان دیوان جبکہ بی 3 کیٹیگری میں درگا راؤ ٹومپاکی، سنیل رمیش، سکھرام ماجھی، روی امیتی، دینیش بھائی چامایاڈ بھائی رتوا، اور دھنگار گوپو شامل ہیں۔

یہ بھی پڑھیں: سپریم کورٹ کی بھارتی جارحیت کی شدید مذمت، معصوم شہداءکو خراج عقیدت

چیئرمین کا بیان

کرکٹ ایسوسی ایشن آف دی بلائنڈ انڈیا کے چیئرمین ڈاکٹر مہانتیش نے کہا ہے کہ پاکستان اور بھارت کے مابین ہمیشہ کانٹے دار مقابلے ہوتے ہیں۔ بصارت سے محروم کھلاڑیوں کو زیادہ مواقع ملنے چاہئیں۔

یہ بھی پڑھیں: بنیان مرصوص: وزیراعلیٰ سندھ کا شہدا کے ورثا کیلئے ایک کروڑ اور زخمیوں کیلئے 10 لاکھ کا اعلان

ورلڈ کپ کی تیاری

انہوں نے کہا کہ بھارتی بلائنڈ ٹیم تین مرتبہ ورلڈکپ جیتنے کا اعزاز رکھتی ہے اور ہم اپنی فتوحات کے سلسلے کو مزید بڑھانے کے لیے پرعزم ہیں اور چوتھی جیت کے لیے تیار ہیں۔ ڈاکٹر مہانتیش کا کہنا ہے کہ ورلڈ کپ کے لیے ہمیں وزارتِ کھیل کی جانب سے این او سی جاری ہو چکی ہے، تاہم ٹیم کو وزارتِ خارجہ کی منظوری کا انتظار ہے اور ہمیں وہاں سے مثبت جواب کی توقع ہے۔

یہ بھی پڑھیں: سائیکل کو اپنا کر صحت اور قدرتی ماحول کو بچایا جا سکتا ہے، وزیراعلیٰ مریم نواز

پاکستان جانے کی تیاری

انہوں نے بتایا کہ منظوری ملنے پر 21 نومبر کو واہگہ بارڈر کے ذریعے پاکستان جائیں گے۔

یہ بھی پڑھیں: سول ایوییشن اتھارٹی نے فلائٹ آپریشن سے متعلق اعلامیہ جاری کردیا

سلیکشن کمیٹی کا فیصلہ

کرکٹ ایسوسی ایشن آف دی بلائنڈ انڈیا کے صدر بُسے گوڑا نے کہا کہ ورلڈ کپ کے لیے 27 اکتوبر سے ٹریننگ کیمپ لگایا گیا تھا، سلیکشن کمیٹی نے دستیاب بہترین کھلاڑیوں کو منتخب کیا ہے جن میں ماضی میں بھارت کی نمائندگی کرنے کا تجربہ شامل ہے۔

ورلڈ کپ کی تاریخیں

واضح رہے کہ بلائنڈ ٹی ٹوئنٹی ورلڈ کپ 23 نومبر سے 3 دسمبر تک پاکستان میں شیڈول ہے۔