ٹرمپ کا دوسرا دور صدارت اور مشرق وسطیٰ

ڈونلڈ ٹرمپ کے دور حکومت کا جائزہ

ہمیں 20 جنوری 2025 کے بعد ڈونلڈ ٹرمپ کے امریکا اور مشرق وسطیٰ کے تعلقات کا تصوراتی جائزہ لینے سے پہلے ری پبلکن صدر کے گزشتہ دور حکومت میں معاہدہ ابراہم کو ذہن میں رکھنا چاہئے۔ یہ معاہدہ ابراہم ہی تھا جس کے نتیجے میں بحرین، مراکش اور یو اے ای کی جانب سے اسرائیل کو تسلیم کرلیا گیا اور سعودی اسرائیل ڈیڈل لاک کا خاتمہ ہوا۔ ہمیں وہ منظر نامہ بھی یاد ہونا چاہئے جب اسرائیل نے تل ابیب کی جگہ یروشلم کو اپنا دارلحکومت بنانے کا اعلان کیا اور ٹرمپ انتظامیہ نے اس کی تائید کرتے ہوئے سب سے پہلے اپنا سفارتخانہ یروشلم منتقل کیا اور یوں مسئلہ فلسطین کے دو ریاستی حل کے امکان کو تباہ کردیا گیا۔

یہ بھی پڑھیں: 72سالہ ہالی ووڈ اداکار لیام نیسن، پامیلا اینڈرس کی محبت میں گرفتار، اظہار کردیا

ٹرمپ کی ممکنہ پالیسی

ٹرمپ کے دوسرے دور صدار ت میں یقینی طور پر واشنگٹن مڈل ایسٹ کی چوکیداری اسرائیل کے سپرد کرنا چاہے گا اور اس کے لیے عرب ملکوں پر معاہدہ ابراہم میں شامل ہونے پر زور بھی دے گا، جو شاید غزہ میں جاری جارحیت کے تناظر میں عربوں کے لیے مشکل ہو۔ اسی لیے سعودی سلطنت مسئلہ فلسطین کے دو ریاستی حل کی خاطر اپنے اتحادیوں کے ساتھ ملکر بین الاقوامی الائنس تشکیل دینے اور ٹائم لائن طے کرنے پر سرگرمی سے کام کررہی ہے۔

یہ بھی پڑھیں: ہم حکومت مخالف سیاسی تحریک شروع کر رہے ہیں، اسد قیصر

حالیہ پیش رفت

گزشتہ برس ستمبر میں سعودی ولی عہد کا فوکس نیوز کو انٹرویو میں اسرائیل کے حوالے سے تاریخی پیش رفت کا عندیہ اور اس کے فوری بعد نتن یاہو کا جنرل اسمبلی میں سعودی عرب سے امن معاہدے کے قریب پہنچنے کا انکشاف مشرق وسطیٰ کے حالات میں بڑی پیش رفت قرار دیا جارہا تھا، لیکن صورتحال میں ڈرامائی تبدیلی اُس وقت رونما ہوئی جب سات اکتوبر کو حماس نے اسرائیل پر پانچ ہزار راکٹ داغے۔ حماس کے راکٹوں نے نہ صرف اسرائیلی اثاثوں کو نشانہ بنایا بلکہ مشرق وسطیٰ کے حوالے سے امریکا کے خصوصی امن منصوبے کو بھی اُڑا کر رکھ دیا۔ جس کے بعد ہر گزرتا دن مشرق وسطیٰ کو بڑی جنگ کی جانب دھکیل رہا ہے۔ اس دوران اسرائیل اور ایران کے درمیان ہونے والی لڑائی کو اسرائیل کے غزہ، لبنان، حوثیوں اور شام پر کیے جانے والے حملوں سے زیادہ تشویشناک قرار دیا جارہا ہے۔

یہ بھی پڑھیں: بانی پی ٹی آئی کیخلاف غداری کی کارروائی کیلئے دائر درخواست واپس لینے کی بنا پر نمٹا دی گئی

سعودی عرب کی تشویش

حالیہ عرب اسلامی سربراہی کانفرنس میں سعودی ولی عہد کی اسرائیلی مذمت اور ایران کی حمایت سے بھرپور تقریر نے درحقیقت ٹونی بلینکن کی امیدوں کا خون کردیا ہے۔ ابھی گزشتہ ماہ ہی امریکی فارن سیکرٹری نے لاطینی امریکی ملک ہیٹی میں ایک نیوز کانفرنس کے دوران دعویٰ کیا تھا کہ "امریکی صدر کے انتخاب سے قبل سعودی عرب اسرائیل کو تسلیم کرلے گا"۔ لیکن عرب اسلامی سمٹ میں جو کچھ ہوا وہ اس کے برخلاف تھا۔ سعودی عرب امریکی توقعات کے برعکس ہمیں آج دوسری جانب کھڑا نظر آرہا ہے۔

یہ بھی پڑھیں: اسرائیل کا ایران پر حملے کا منصوبہ بےنقاب

ایران کے ساتھ تعلقات

ایک ایسے وقت میں جب اعلیٰ سطح کا سعودی فوجی وفد ایران کے دورے پر ہو، سعودی ولی عہد کا امریکا اور اسرائیل کے سب سے بڑے دشمن ایران کی خود مختاری کی حمایت کے اعلان کو بظاہر خطے کے معروضی حالات میں کئی دہائیوں کے دوران کی سب سے بڑی پیش رفت کہا جارہا ہے۔ لیکن بین السطور مڈل ایسٹ کی حالیہ کروٹ کے پیچھے 2021 سے چین کا خطے میں سرگرم کردار بھی اہم قرار دیا جارہا ہے۔ عمومی رائے یہ ہے کہ ایم بی ایس کا ایران کی حمایت میں تقریر کا تعلق سعودی ایران کشیدگی ختم کرانے کے لیے چین کی کامیاب کوششوں سے ہے۔

یہ بھی پڑھیں: Peshawar: Case Filed Against Former Chief Minister and PTI Leader Mahmood Khan

خلاصہ

یہ بڑی دلچسپ حقیقت ہے کہ مشرق وسطیٰ میں امریکا اور چین دونوں ہی تنازعات کا خاتمہ چاہتے ہیں مگر اپنے اپنے انداز میں اور اپنے اپنے مفادات کے تحت۔ امریکا مڈل ایسٹ میں اپنی سیاسی اجارہ داری قائم رکھنے اورانڈیا مڈل ایسٹ یورپ اکانومک کاریڈور ( آئی ایم ای سی ) کے ذریعہ خطے کی سیاست اور تجارت پر کنٹرول کے لیے عرب اسرائیل تنازعات کا خاتمہ چاہتا ہے۔ جبکہ دوسری جانب چین ایران عرب تعلقات میں بہتری لاکر خلیج کی صورتحال کو نہ صرف اپنے حق میں کرنے کا خواہاں ہے بلکہ اپنے عالمی تجارتی ایجنڈے کا فروغ بھی اُس کا ہدف ہے۔

یہ بھی پڑھیں: Indian Female Wrestler Defeats BJP in State Elections

ٹرمپ کا ممکنہ کردار

ری پبلکن ڈونلڈ ٹرمپ نے اپنی انتخابی مہم میں امریکن عربوں کے ووٹ حاصل کرنے کے لیے غزہ جنگ ختم کرانے کا ایک سرسری سیاسی بیانیہ ضرور اختیار کیا لیکن قرین وقیاس سے نہیں لگتا کہ وہ غزہ کی جنگ بند کرانے میں کوئی حقیقی دلچسپی رکھتے ہیں۔ بلکہ اُن کے دور صدارت میں اُن کی توجہ مڈل ایسٹ میں اسرائیلی چوکیداری کا نظام مستحکم کرنے پر مرکوز رہنے کا زیادہ امکان ہے۔ عرب حکمران اس حقیقت سے بخوبی آگاہ ہیں کہ ٹرمپ اور نتن یاہو کی مثالی دوستی اور ٹرمپ کے صیہونی داماد جیر ڈکشنر کا اُن کے فیصلوں میں عمل دخل امریکیوں پالیسیوں کو یقینی طور پر اسرائیل کی جانب موڑ دے گی۔

نوٹ: یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔