حج درخواستیں کب سے وصول کی جائینگی؟ حکومت نے اعلان کردیا

اسلام آباد (ڈیلی پاکستان آن لائن) وفاقی حکومت نے حج درخواستیں وصولی کی تاریخ کا اعلان کر دیا ہے۔ سرکاری سکیم کے تحت جانے والے عازمین سے درخواستوں کی وصولی کا آغاز 18 نومبر سے ہوگا۔

یہ بھی پڑھیں: بانی پی ٹی آئی اور بشریٰ بی بی کی درخواست ضمانتوں پر فیصلہ کب سنایا جائیگا؟ عدالتی عملے کااہم بیان

درخواست جمع کروانے کی مدت

نجی ٹی وی چینل کے مطابق عازمین حج 3 دسمبر تک مقررہ بینکوں میں حج درخواستیں جمع کروا سکیں گے۔ سرکاری سکیم کے تحت عازمین سے 3 اقساط میں رقم وصول کی جائے گی۔ حج درخواست جمع کرواتے ہوئے 2 لاکھ روپے جمع کروانا ہوں گے۔ قرعہ اندازی میں نام آنے پر 10 روز کے دوران 4 لاکھ روپے کی ادائیگی کرنا ہوگی، جبکہ بقایا رقم 10 فروری تک لازمی جمع کروانا ہوگی۔

حج اخراجات کی تفصیلات

مجموعی طور پر 10 سے 11 لاکھ روپے حج اخراجات کی رقم جمع ہوگی۔ اس میں قربانی، مکہ میں ڈبل ٹرپل بیڈ روم کے لیے اضافی ادائیگی بھی شامل ہوگی۔ 12 فروری 2013 سے پہلے پیدا ہونے والے افراد حج درخواست جمع کروا سکیں گے۔