ڈاکٹر یاسمین راشد سے رہائی کے بدلے کیا مطالبہ کیا گیا؟ صنم جاوید کا سنسنی خیز انکشاف

پی ٹی آئی رہنما کا انکشاف

لاہور (ڈیلی پاکستان آن لائن) پی ٹی آئی رہنما صنم جاوید نے دعویٰ کیا ہے کہ سابق وزیر صحت یاسمین راشد کو نواز شریف کے خلاف دائر کیس واپس لینے کی صورت میں جیل سے رہائی کی آفر کی گئی تھی۔

یہ بھی پڑھیں: پی ٹی اے نے غیر قانونی ڈیجیٹل مواد پھیلانے پر 10لاکھ سے زائد ویب لنکس اور یو آر ایل بلاک کردیئے

یاسمین راشد کی انکار

ایک حالیہ پوڈ کاسٹ کے دوران صنم جاوید نے کہا کہ جیل میں قید کے دوران پی ٹی آئی رہنماؤں کو رہائی کے بدلے مختلف آفرز آتی رہی ہیں۔ سینیئر رہنما یاسمین راشد کو آخری آفر یہ ملی تھی کہ اگر وہ عام انتخابات میں نواز شریف کی جیت کو تسلیم کریں اور انتخابی نتائج کے خلاف دائر درخواست کو واپس لیں تو انہیں جیل سے رہا کردیا جائے گا۔ تاہم، یاسمین راشد نے یہ آفر قبول کرنے سے انکار کردیا۔

ڈر اور دھمکیوں کا سامنا

صنم جاوید نے بتایا کہ عام انتخابات کے موقع پر کاغذات نامزدگی جمع کرانے پر بھی انہیں، یاسمین راشد اور عالیہ حمزہ کو ڈرایا دھمکایا گیا۔ انہیں کہا گیا کہ اگر وہ الیکشن لڑنے کا فیصلہ کریں تو ان کے لیے مشکلات میں اضافہ ہوجائے گا۔