نفرت اور تعصب کا زہر معاشروں کو کھوکھلا کر دیتا ہے: وزیر اعلیٰ مریم نواز

پیغام وزیراعلیٰ پنجاب مریم نواز

لاہور (ڈیلی پاکستان آن لائن) وزیر اعلیٰ پنجاب مریم نواز نے برداشت کے عالمی دن (Tolerance day) پر اپنے پیغام میں کہا ہے کہ نبی کریم ﷺ نے اپنی زندگی میں رواداری برداشت کی شاندار مثالیں قائم کیں، ہمیں ان پر عمل کرنا ہے - رواداری، احترام اور برداشت کامیاب اور پرامن معاشرے کی بنیاد ہے۔ دنیا مختلف عقائد، ثقافتوں اور نظریات کا امتزاج ہے، سب کا احترام لازم ہے۔

یہ بھی پڑھیں: کابینہ نے آئینی ترمیم سے متعلق کس کے مسودے کی منظوری دی؟ مصدق ملک نے بتا دیا

قائدِ اعظم کے افکار کی روشنی

وزیراعلیٰ مریم نواز نے کہا کہ قائدِ اعظم کے افکار کی روشنی میں برداشت و ہم آہنگی کو فروغ دے رہے ہیں۔ تعلیمی ادارے بھی نوجوان نسل کو برداشت، احترام اور محبت کے اصول سکھائیں۔ نفرت اور تعصب کا زہر معاشروں کو کھوکھلا کر دیتا ہے۔

مساوات اور بھائی چارہ

وزیراعلیٰ مریم نواز نے کہا کہ ایسا معاشرہ ترجیح ہے جو ہر شہری کو مساوی مواقع اور حقوق فراہم کرے۔ اختلافات قبول کریں، ایک دوسرے کے لیے برداشت، عزت و احترام کو فروغ دیں - پاکستان کو امن، رواداری اور بھائی چارے کی مثال بنانا ہوگا۔