جو لوگ سگریٹ نہیں پیتے، انہیں بھی پھیپھڑوں کا کینسر کیوں ہوتا ہے؟

’میں نے اپنی پوری زندگی کبھی سگریٹ نہیں پیا۔ میرے دوست 40 سال سے سگریٹ نوشی کر رہے ہیں۔ لیکن پھیپھڑوں کا کینسر مجھے ہو گیا۔‘

ڈاکٹر امبریش چیٹرجی سے اکثر یہ سوال پوچھا جاتا ہے۔ وہ اپولو ہسپتال میں سرجیکل آنکولوجسٹ ہیں۔

وہ کہتے ہیں کہ ’سگریٹ نوشی کو پھیپھڑوں کے کینسر کی سب سے بڑی وجہ سمجھا جاتا ہے۔ اس کینسر میں مبتلا 80 فیصد مریضوں میں وہ لوگ شامل ہیں جو سگریٹ اور تمباکو کا استعمال کرتے ہیں۔

’تاہم باقی 20 فیصد میں ایسے لوگ ہیں جو ان دو چیزوں کا استعمال نہیں کرتے۔ یہ سچ ہے۔‘

اس لیے یہ ممکن ہے کہ پھیپھڑوں کا کینسر ان لوگوں میں بھی ہو سکتا ہے جو سگریٹ نہیں پیتے، تمباکو نہیں کھاتے، انتہائی آلودہ علاقے میں نہیں رہتے یا کسی کان میں کام نہیں کرتے۔

نومبر کو پھیپھڑوں کے کینسر سے متعلق آگاہی کا مہینہ کہا جاتا ہے۔

پھیپھڑے کیسے کام کرتے ہیں اور انھیں کینسر سے کیسے نقصان پہنچتا ہے؟

پھیپھڑے انسانی جسم میں نظام تنفس کا حصہ ہیں۔ یہ ہمیں سانس لینے میں مدد کرتے ہیں۔

یہ انسانی جسم میں فلٹر کا کام کرتے ہیں۔ جب ہم سانس لیتے ہیں تو ہوا کے ساتھ نائٹروجن، کاربن ڈائی آکسائیڈ اور آکسیجن جیسی کچھ گیسیں اس ہوا میں شامل ہوتی ہیں۔

پھیپھڑے ان گیسوں سے آکسیجن کو فلٹر کر کے جسم تک پہنچاتے ہیں اور باقی گیسوں کو باہر نکال دیتے ہیں۔

پھیپھڑوں کے خلیے مسلسل کام کرتے رہتے ہیں۔ خراب ہونے پر وہ خود بخود ٹھیک بھی ہوجاتے ہیں۔

ڈاکٹر امبریش چیٹرجی کہتے ہیں کہ تمباکو نوشی کے دوران جسم میں کچھ کیمیکلز داخل ہوتے ہیں جو پھیپھڑوں میں خلیات کو نقصان پہنچاتے ہیں۔

طویل مدتی تمباکو نوشی یا سگریٹ کے دھویں سے خلیات کو مستقبل میں نقصان پہنچتا ہے اور یوں خود بخود شفا کا نظام متاثر ہوجاتا ہے۔

’اس طرح مہلک خلیے بننا شروع ہوجاتے ہیں جو ہمارے سانس لینے کے عمل کو متاثر کرتے ہیں۔‘

یہ بھی پڑھیں: ہمایوں دلاور کیخلاف سوشل میڈیا پر پروپیگنڈا کیس؛ اسسٹنٹ ڈائریکٹر اینٹی کرپشن کے جسمانی ریمانڈ معطلی کی درخواست پر فیصلہ محفوظ

پھیپھڑوں کے کینسر کی وجوہات

دلی کے شری گنگارام ہسپتال کے مطابق مندرجہ ذیل وجوہات لنگز کینسر کا باعث بن سکتی ہیں:

یہ بھی پڑھیں: خاتون محتسب کا جی سی یونیورسٹی اولڈ کیمپس کا اچانک دورہ، سیکیورٹی سٹاف نے گیٹ پر روک لیا، توہین عدالت کا نوٹس جاری

تمباکو اور سگریٹ نوشی

انڈیا سمیت کئی ملکوں میں پھیپھڑوں کے کینسر کی سب سے بڑی وجہ تمباکو اور سگریٹ نوشی ہے۔ انڈیا میں یہ 10 میں سے نو مریضوں میں کینسر کی وجہ ہے۔

درحقیقت سگریٹ نوشی کے ذریعے ہزاروں مہلک کیمیکل انسانی پھیپھڑوں میں داخل ہوتے ہیں۔ ان میں سے بہت سے کینسر کا سبب بنتے ہیں۔ تمباکو چبانے سے بھی کینسر کا خطرہ بڑھ جاتا ہے۔

پیسو سموکنگ یعنی سگریٹ کے دھویں سے آلود ماحول میں وقت گزارنے سے بھی پھیپھڑوں کا کینسر ہوسکتا ہے۔ مثال کے طور پر اگر آپ کسی ایسے شخص کے قریب کھڑے ہیں جو سگریٹ یا بیڑی پی رہا ہے تو آپ کو کینسر ہونے کا خطرہ بڑھ جاتا ہے۔

Uses in Urdu میں شائع ہونے والے ایک مضمون کے مطابق برطانیہ میں کینسر ریسرچ کے سربراہ چارلس سوانٹن بھی اس بات کی تائید کرتے ہیں۔

وہ کہتے ہیں کہ ’تمباکو نوشی نہ کرنے والوں کو بھی پھیپھڑوں کا کینسر ہو جانا کوئی بڑی بات نہیں۔ میرے دور میں پانچ سے 10 فیصد ایسے مریض تھے جنھیں پھیپھڑوں کا کینسر تھا لیکن انھوں نے کبھی سگریٹ نوشی نہیں کی تھی۔‘

یہ بھی پڑھیں: تحریک انصاف نے آئینی ترمیم کا حصہ نہ بننے اور ووٹنگ کے بائیکاٹ کا اعلان کر دیا

فضائی آلودگی

کئی بڑے شہر فضائی آلودگی سے متاثرہ ہیں۔ ٹریفک جام، صنعتوں سے نکلنے والے کیمیائی فضلے اور کوڑا کرکٹ جلانے سے پھیپھڑوں کے خلیات کو نقصان پہنچتا ہے اور کینسر کا خطرہ بڑھ جاتا ہے۔

دہلی کے شعبہ جراحی آنکولوجی کے پروفیسر ڈاکٹر اے وی ایس دیو کی بھی ایسی ہی رائے ہے۔

وہ کہتے ہیں کہ ’یہ سچ ہے کہ تمباکو کا استعمال اور سگریٹ نوشی پھیپھڑوں کے کینسر کی سب سے بڑی وجوہات میں سے ایک ہے۔ لیکن فضائی آلودگی بھی کینسر کی وجہ بن سکتی ہے۔‘

ریڈون ایک تابکار گیس ہے جو مٹی یا زیرِ تعمیر مقام پر پائی جاتی ہے۔ اگر کوئی شخص زیادہ دیر تک ایسے علاقے میں رہتا ہے تو اس کے پھیپھڑوں کے کینسر کا خطرہ بڑھ جاتا ہے۔

یہ بھی پڑھیں: انگلینڈ کی پاکستان کیخلاف پوزیشن مضبوط، جوئے روٹ کی ڈبل سینچری، 12 رنز کا خسارہ باقی

وہ بیماری جس کا تعلق کام کرنے کی جگہ سے ہے

آپ کے کام کی جگہ پھیپھڑوں کے کینسر کی وجہ بن سکتی ہے۔ کچھ صنعتوں میں کام کرنے والے ملازمین اس کینسر کا شکار ہو سکتے ہیں، جیسے کان کنی اور کیمیائی پیداوار، یا تمباکو نوشی نہ کرنے والے لوگ جو ریستوران یا بار میں جاتے ہیں۔

ان تمام لوگوں کو پھیپھڑوں کا کینسر ہونے کا سب سے زیادہ خطرہ ہوتا ہے۔

اس کے علاوہ جینیات بھی پھیپھڑوں کے کینسر کی وجہ بن سکتی ہیں۔

ڈاکٹر چیٹرجی کہتے ہیں کہ ’کچھ ایسے واقعات ہوئے ہیں جہاں سگریٹ نہ پینے والے بھی جینیاتی وجہ سے پھیپھڑوں کے کینسر کا شکار ہوئے۔‘

یہ بھی پڑھیں: مریم نے مجھ سے پی آئی اے خریدنے کیلئے مشورہ کیا ، نواز شریف

پھیپھڑوں کے کینسر کی علامات

عالمی ادارۂ صحت کے مطابق دنیا بھر میں کینسر سے ہونے والی اموات کی سب سے بڑی وجہ پھیپھڑوں کا کینسر ہے۔ پھیپھڑوں کا کینسر مردوں اور عورتوں دونوں میں موت کی سب سے بڑی وجہ سمجھا جاتا ہے۔

پھیپھڑوں کے کینسر کی سب سے بڑی وجہ سگریٹ نوشی ہے۔ یہ 85 فیصد کیسز میں پھیپھڑوں کے کینسر کی وجہ ہوتی ہے۔

پھیپھڑوں کے کینسر کی بہت سی علامات ہیں، جیسے:

بہت سے مطالعات سے یہ بات سامنے آئی ہے کہ جنوب مشرقی ایشیا میں پھیپھڑوں کے کینسر کے شکار افراد کی اکثریت وہ ہے جو سگریٹ نوشی نہیں کرتی۔

ان مطالعات میں سے 40-50 فیصد کیسز بھارت میں پائے گئے ہیں، جبکہ 83 فیصد کیسز جنوب مشرقی ایشیائی خواتین میں دیکھے گئے ہیں۔

حفاظتی تدابیر

ڈاکٹرز اور صحت کی تنظیمیں اس بات پر متفق ہیں کہ پھیپھڑوں کے کینسر کے خطرے سے بچنے کے لیے سگریٹ نوشی اور تمباکو کے استعمال سے پرہیز کرنا ضروری ہے۔

امریکی سینٹر فار ڈزیز کنٹرول کا کہنا ہے کہ آپ ان اقدامات کے ذریعے پھیپھڑوں کے کینسر کا شکار ہونے کے خطرے سے بچ سکتے ہیں۔

مثال کے طور پر سگریٹ نوشی، فضائی آلودگی اور کیمیکل سے بھرپور جگہوں سے دور رہیں۔ گھر میں ریڈون کی سطح معلوم کرنے کے لیے ٹیسٹ کروائیں تاکہ اس کی سطح کو کم کرنے کے لیے اقدامات کیے جا سکیں۔

خاندان کے طبی ریکارڈ سے متعلق خطرات کو مکمل طور پر نظرانداز نہیں کیا جا سکتا۔ مگر اگر آپ کے خاندان میں کسی کو پھیپھڑوں کا کینسر ہوا ہے تو آپ صحت مند رہنے کی کوشش کر سکتے ہیں۔

وہ افراد جو تمباکو نوشی نہیں کرتے اور پھر بھی پھیپھڑوں کے کینسر کا شکار ہو جاتے ہیں، ان میں سے زیادہ تر ایسے ہوتے ہیں جنہیں یہ بیماری جینیاتی طور پر منتقل ہوئی ہے۔

اس کا علاج تھراپی کے ذریعے کیا جا سکتا ہے۔

ڈاکٹر چیٹرجی صحت مند خوراک، وزن کو کنٹرول میں رکھنے، ورزش کرنے اور تناؤ سے پاک زندگی گزارنے کی تجویز دیتے ہیں۔

وہ کہتے ہیں کہ ’صحت مند طرز زندگی آپ کے کسی بھی قسم کے کینسر میں مبتلا ہونے کے امکانات کو کم کر دیتی ہے۔ اس سے آپ کے جسم میں ایسے اینٹی آکسیڈنٹ پیدا ہوتے ہیں جو کینسر سے متاثرہ خلیوں کی نشو و نما کو روکتے ہیں۔‘