وزیر تعلیم کا ہر ہفتے ایک کالج، یونیورسٹی میں بلڈ کیمپ لگانے کا اعلان

دنیا بھر میں بچوں کا عالمی دن

لاہور (ڈیلی پاکستان آن لائن) وزیر تعلیم رانا سکندر حیات نے بچوں کا عالمی دن منفرد انداز میں منایا۔ انہوں نے سندس فاؤنڈیشن میں تھیلیسیمیا کا شکار بچوں کے ساتھ وقت گزارا اور ان میں تحائف تقسیم کئے۔

یہ بھی پڑھیں: دور سے چٹانوں کو دیکھ کر محسوس ہوتا ہے جیسے بہت سارے ہاتھی دریا میں غسل کر رہے ہیں، گاڑی خالی ہوگئی، میں موقع غنیمت جان کر بوگی میں گھس گیا

بچوں کی خواہشات اور حمایت

وزیر تعلیم نے بچوں سے ان کی خواہشات کے بارے میں جانا اور انہیں دل لگا کر پڑھنے کی نصیحت کرتے ہوئے فیس کے معاملات میں اپنے ہر ممکن تعاون کی یقین دہانی بھی کروائی۔

یہ بھی پڑھیں: ساڑھے 6 سال بعد ڈیوڈ وارنر کے آسٹریلوی کپتان بننے پر عائد پابندی ختم

بلڈ کیمپ کا اعلان

اس موقع پر وزیر تعلیم نے سندس فاؤنڈیشن کیلئے ہر ہفتے ایک کالج یا یونیورسٹی میں بلڈ کیمپ لگانے کا اعلان کیا اور ان کی خود مانیٹرنگ کا عندیہ بھی دیا۔

ذاتی عطیہ اور محبت کی ضرورت

وزیر تعلیم نے خود بھی سندس فاؤنڈیشن کو عطیہ دیا اور کہا کہ یہ عطیہ ان پر قرض تھا، جو آج چکا دیا ہے۔ انہوں نے کہا کہ تھیلیسیمیا کے مرض میں مبتلا بچوں کو محبت اور توجہ کی ضرورت ہے۔ یہاں آ کر جو دلی اطمینان ہو رہا ہے، میں سمجھتا ہوں کہ بچوں کا عالمی دن اس سے بہتر طریقے سے نہیں منایا جا سکتا تھا۔