فتنہ الخوارج پی ٹی آئی کے احتجاج میں دہشتگردی کرسکتی ہے، نیکٹا کا تھریٹ الرٹ جاری

نیشنل کاؤنٹر ٹیررازم اتھارٹی کا تھریٹ الرٹ

اسلام آباد (ڈیلی پاکستان آن لائن) نیشنل کاؤنٹر ٹیررازم اتھارٹی (نیکٹا) نے پی ٹی آئی کے 24 نومبر کے احتجاج میں فتنہ الخوارج کی ممکنہ دہشت گردانہ کارروائیوں کا تھریٹ الرٹ جاری کردیا۔

یہ بھی پڑھیں: پی سی بی نے سمیر احمد سید کو چیف آپریٹنگ آفیسر مقرر کر دیا، سلمان نصیر پی ایس ایل کے سی ای او مقرر

فتنہ الخوارج کی ممکنہ دہشت گردی

"جیو نیوز" کے مطابق نیکٹا کا کہنا ہے کہ فتنہ الخوارج پی ٹی آئی کے 24 نومبر کے احتجاج میں دہشت گردی کرسکتی ہے۔ فتنہ الخوارج کے دہشت گرد بڑے شہروں میں دہشت گردی کرسکتے ہیں۔ فتنہ الخوارج کے دہشت گردوں کی افغانستان سے پاکستان میں داخلے کی اطلاعات ہیں۔

سیکیورٹی کے اقدامات

نیکٹا نے خطرے کے پیش نظر اقدامات کے لیے چیف کمشنر اسلام آباد، آئی جیز، چیف سیکرٹری گلگت بلتستان اور آزاد جموں کشمیر کو بھی مراسلہ ارسال کیا ہے۔