راستے بند ، تحریک انصاف نے حکمت عملی بدل لی ، لاہور اور دیگر شہروں میں احتجاج کیسے ریکارڈ کروایا جائے گا ؟اہم تفصیلات سامنے آ گئیں

پی ٹی آئی کا اسلام آباد کی جانب فائنل مارچ

لاہور (نمایندہ خصوصی) بانی چیئرمین تحریک انصاف کی کال پر آج 24 نومبر کو اسلام آباد کی طرف فائنل مارچ کے سلسلے میں حکومت کی جانب سے اسلام آباد کی طرف جانے والے تمام راستوں کو کنٹینر لگا کر بند کر دینے کی وجہ سے پی ٹی آئی لاہور کی قیادت لاہور کے بتی چوک پر احتجاج ریکارڈ کروائیں گے۔

یہ بھی پڑھیں: پنجاب میں سیلاب کے بعد وبائی امراض، 2ہفتے میں 28ہزار افراد متاثر

لاہور میں احتجاج کی قیادت

تحریک انصاف لاہور کے ذرائع کے مطابق پی ٹی آئی لاہور کے اس احتجاج کی قیادت مرکزی سیکرٹری جنرل سلمان اکرم راجہ کریں گے۔ ذرائع کے مطابق اس تازہ صورت حال کے پیش نظر اب پنجاب کے تمام اضلاع اپنے اپنے شہروں میں احتجاج کریں گے۔ اگر ممکنہ طور پر حکومت نے راستے کھولنے کا فیصلہ کیا تو پھر یہ پنجاب بھر کے اضلاع کے کارکنان اسلام آباد کا رخ کریں گے۔

احتجاج کی صورت حال اور دھرنا

تحریک انصاف کے ذرائع کے مطابق اب آج 24 نومبر کو ہر ضلع اور تحصیل کی سطح پر احتجاج بھی ہوگا اور مرکزی قیادت کے حکم پر غیر معینہ مدت کے لیے دھرنا بھی ہوگا۔ یہ ممکنہ دھرنا قیادت کے آئندہ کے حکم تک جاری رہے گا。