چار پانچ سو لوگ جمع کرنے سے انقلاب نہیں آتا، طلال چوہدری

سیاسی انقلاب کی راہ میں رکاوٹیں

اسلام آباد (ڈیلی پاکستان آن لائن) پاکستان مسلم لیگ (ن) کے رہنما طلال چوہدری کا کہنا ہے کہ چار پانچ سو لوگ جمع کرنے سے انقلاب نہیں آتا، تحریک انصاف کو سیاسی رویہ اختیار کرنا چاہیے۔

یہ بھی پڑھیں: نامعلوم افراد کی فائرنگ سے جماعت اسلامی کے سینیئر رہنما جاں بحق

عوام کو متحرک کرنے میں ناکامی

جیو نیوز کے پروگرام میں گفتگو کرتے ہوئے طلال چوہدری نے کہا کہ 10 ہزار، 5 ہزار عوام لانے کا ٹارگٹ پورا نہیں ہوا۔ پنجاب، بلوچستان، سندھ سے لوگ نہیں نکلے، حکومتی حکمت عملی کامیاب رہی، ریاست سے نہیں لڑا جا سکتا۔

یہ بھی پڑھیں: پنچاب حکومت کی جانب سے شہریوں کے لیے مفت WiFi کی اصل حقیقت سامنے آگئی

سیاسی ناکامیاں اور عدم اعتماد کا سامنا

طلال چوہدری نے کہا کہ یہ لوگ عدم اعتماد سے نکلے تھے اور ہر چیز میں ناکام ہوئے۔ 26ویں آئینی ترمیم میں بھی یہ ناکام ہوئے، فائنل کال میں بھی چند سو لوگ نکلے۔ سیاست کیلئے سیاسی رویہ چاہیے، ان کا رویہ سیاسی نہیں۔

تنہائی اور عدم اتفاق کی صورتحال

انہوں نے مزید کہا کہ کوئی جماعت ان کے ساتھ نہیں کھڑی، ان کے اپنے لوگ متفق نہیں، سزا یافتہ آدمی کو چھوڑنے کے لیے بغاوت کر رہے ہیں۔