اسلام آباد اور لاہور میں پٹرول کی قلت کا خدشہ

پی ٹی آئی کے احتجاج کا اثر

لاہور (ڈیلی پاکستان آن لائن) پی ٹی آئی کے احتجاج کے باعث اسلام آباد، راولپنڈی اور لاہور میں پیٹرولیم مصنوعات کی قلت کا خدشہ پیدا ہو گیا ہے۔

یہ بھی پڑھیں: اسرائیل مخالف احتجاج کے دوران گرفتار سابق سینیٹر مشتاق احمد سمیت 24 ملزمان کی ضمانت منظور

پٹرولیم ڈویژن کا خط

24 نیوز کے مطابق پٹرولیم ڈویژن کی جانب سے لکھے گئے خط میں بتایا گیا ہے کہ پی ٹی آئی احتجاج کے باعث اسلام آباد، راولپنڈی اور لاہور میں پٹرولیم مصنوعات کی سپلائی چین ٹوٹنے کا خدشہ ہے۔ لاک ڈاؤن کی صورتحال میں پیٹرولیم مصنوعات کی بلا تعطل فراہمی کے لیے اقدامات کیے جائیں۔ پٹرولیم ڈویژن نے چیف سیکرٹری پنجاب، چیف کمشنرز اسلام آباد اور راولپنڈی کو خط لکھ دیا ہے۔

یہ بھی پڑھیں: غیر قانونی مواد کی وجہ سے پانچ برس میں 13 لاکھ یو آر ایل بلاک کئے گئے:پی ٹی اے کا دعویٰ

پٹرولیم سپلائی میں رکاوٹیں

اٹک آئل ریفائنری کو خام تیل لےکر جانے والے، پٹرولیم مصنوعات لانے والے ٹینکرز، اور گاڑیوں کی آمد و رفت میں ترسیل محدود ہوگئی ہے۔

حکومت کا جامع منصوبہ

پٹرولیم ڈویژن نے کہا ہے کہ پٹرولیم مصنوعات کی سپلائی میں رکاوٹیں آرہی ہیں۔ اس سلسلے میں اوگرا بھی ضلعی انتظامیہ کے ساتھ رابطے میں ہے، اور متاثرہ شہروں میں پٹرولیم مصنوعات کی بلاتعطل فراہمی کی درخواست کی گئی ہے۔ موجودہ صورتحال سے نمٹنے کے لیے ایک جامع منصوبہ بنانے کی درخواست بھی کی گئی ہے۔