کراچی میں بہنوئی کی فائرنگ سے سالا جاں بحق

کراچی میں فائرنگ کا واقعہ

کراچی(ڈیلی پاکستان آن لائن) موچکو کے علاقے مواچھ گوٹھ سپارکو روڈ کے قریب گھر کے اندر فائرنگ سے ایک شخص جاں بحق ہوگیا جس کی لاش ضابطے کی کارروائی کے لیے سول ہسپتال پہنچائی گئی۔

یہ بھی پڑھیں: سینیٹ اجلاس تاخیر کا شکار، سینیٹرز ایک دروازے سے داخل ہوکر دوسرے سے باہر نکل گئے

مقتول کی شناخت

ایس ایچ او موچکو بشیر ودھو نے بتایا کہ مقتول کی شناخت 28 سالہ رفیق کے نام سے کی گئی۔ اس واقعے میں رفیق کو اس کے چچا زاد بھائی اصغر، جو کہ مقتول کا بہنوئی بھی ہے، نے گھریلو جھگڑے کے دوران فائرنگ کر کے شدید زخمی کیا تھا۔

حادثے کی تفصیلات

مضروب کو ایدھی ایمبولینس کے ذریعے ہسپتال منتقل کیا جا رہا تھا کہ وہ زخموں کی تاب نہ لاتے ہوئے دم توڑ گیا۔ ملزم دوسرے ساتھیوں کے ہمراہ موقع سے فرار ہوگیا، جس کی تلاش جاری ہے۔ اس سلسلے میں مقتول کے اہلخانہ سے مزید معلومات بھی حاصل کی جا رہی ہیں۔