کوئی مذاکرات نہیں ہیں، جو ڈی چوک پہنچے گا وہ گرفتار ہوگا، محسن نقوی کا بیان

وزیر داخلہ محسن نقوی کا بیان

اسلام آباد(ڈیلی پاکستان آن لائن) وزیر داخلہ محسن نقوی نے کہا ہے کہ جو ڈی چوک پہنچے گا وہ گرفتار ہوگا، وہ آئیں اور ہم انہیں جانے دیں یہ نہیں ہوگا، اگر 5 منٹ فائرنگ ہو تو ایک بندہ نظر نہیں آئے گا۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟

فائرنگ کے واقعات

انہوں نے کہا کہ جو ڈی چوک پہنچے گا وہ گرفتار ہوگا، وہ آئیں اور ہم انہیں جانے دیں یہ نہیں ہوگا۔ میانوالی میں ہم پر فائرنگ کی گئی، وہ لاشیں چاہ رہے تھے، ہمارے تمام لوگ گولیوں سے زخمی ہوئے ہیں۔ اگر میں ان پر فائرنگ کرتا تو وہ پتھر گڑھ سے آگے نہیں نکل سکتے تھے، اگر پانچ منٹ فائرنگ ہو تو ایک بندہ نظر نہیں آئے گا۔ کسی پولیس اہلکار کے پاس اسلحہ نہیں ہے، پولیس اہلکاروں کے پاس ڈنڈے اور آنسو گیس کے شیل ہیں۔

مذاکرات کا امکان

مذاکرات کے حوالے سے محسن نقوی کا کہنا ہے کہ مذاکرات پر چند گھنٹے ٹھہر جائیں، کوئی مذاکرات نہیں ہیں، یہ بات کلیئر کردوں۔ پہلی کوشش ہے لوگوں کی جانیں نہ جائیں، دوسری اور تیسری کوشش ہے لوگوں کی جانیں نہ جائیں۔ ہماری کوشش اپنے لوگوں کی جانیں بچانا ہے۔