فوری طور پر بند سڑکوں کو کھول دیا جائے، علی امین گنڈاپور اور بشریٰ بی بی ابھی تک فرار ہیں: محسن نقوی

وفاقی وزیر داخلہ کی ہدایت

اسلام آباد (ڈیلی پاکستان آن لائن) وفاقی وزیر داخلہ محسن نقوی کا کہنا ہے کہ فوری طور پر بند سڑکوں کو کھول دیا جائے۔ کل سے سکول کھل جائیں گے اور موبائل فون سروس بحال ہوجائے گی۔

یہ بھی پڑھیں: عمران خان اور بشریٰ بی بی کیخلاف 190 ملین پاؤنڈز ریفرنس کی سماعت آج ہوگی

میڈیا سے گفتگو

ڈی چوک پر میڈیا سے گفتگو کرتے ہوئے وزیر داخلہ محسن نقوی نے کہا کہ علی امین گنڈاپور اور بشریٰ بی بی ابھی تک تو فرار ہیں۔ میں پولیس اور رینجرز کے جوانوں کا شکریہ ادا کرتا ہوں، جنہوں نے بہترین کارکردگی کا مظاہرہ کیا۔ اسلام آباد کے شہریوں کو دو تین دن پریشانی کا سامنا کرنا پڑا۔

یہ بھی پڑھیں: سٹاک مارکیٹ میں زبردست تیزی، نیا ریکارڈ قائم ہو گیا

سیاسی صورتحال

انہوں نے کہا کہ اس طرح کی سرگرمیاں مزید کتنی بار کرنی ہیں؟ ہم نے دو دفعہ ان کو کہا تھا کہ سنگجانی میں جلسہ کریں۔ ہماری بات ہوگئی تھی اور انہوں نے اس میں رضا مندی ظاہر کی تھی۔ لیکن انہوں نے دھمکیاں دے کر اور اربوں کا نقصان کرکے اپنی بات کا اثر دیکھا۔ انہوں نے میڈیا ہاؤسز پر حملے بھی کیے۔ ہم سی سی ٹی وی کیمرے ڈھونڈیں گے جہاں جہاں نقصان ہوا ہے۔

امید کا پیغام

انہوں نے مزید کہا کہ امید ہے کل نیا دن اور نئی سوچ کے ساتھ طلوع ہوگا۔ افغانوں سے متعلق ایک اہم فیصلہ کر لیا گیا ہے، جس کی تفصیلات دو تین روز میں سامنے لائیں گے۔