جیل میں پرویز الٰہی کی پسلیاں ٹوٹ گئی تھیں، عدالت حاضری سے استثنا کی درخواست

پرویز الٰہی کی عدالت میں حاضری سے استثنا کی درخواست

لاہور (ویب ڈیسک) پرویز الٰہی کی جانب سے عدالت میں حاضری سے استثنا کی درخواست دائر کی گئی ہے، جس میں بتایا گیا ہے کہ جیل میں ان کی پسلیاں ٹوٹ گئی تھیں۔

یہ بھی پڑھیں: ایمن آباد: گوجرانوالہ کے گردواروں کا بابا گرو نانک سے کیا تعلق ہے؟

غیر قانونی بھرتی کیس کی سماعت

ایکسپریس نیوز کے مطابق سابق وزیراعلیٰ پرویز الٰہی سمیت دیگر کے خلاف پنجاب اسمبلی میں غیر قانونی بھرتی کیس کی سماعت اینٹی کرپشن عدالت میں ہوئی، جس میں پرویز الٰہی کی جانب سے پیش نہ ہونے کا فیصلہ کرتے ہوئے حاضری معافی کی درخواست جمع کروائی گئی ہے۔

صحت کی وجوہات

عدالت میں دائر درخواست میں بتایا گیا ہے کہ پرویز الٰہی کی طبیعت ناساز ہے۔ جیل میں گرنے کی وجہ سے پرویز الٰہی کی پسلیاں ٹوٹ گئی تھیں اور وہ پوری طرح صحت یاب نہیں ہو سکے۔ ڈاکٹر نے انہیں آرام کرنے کا مشورہ دیا ہے۔ درخواست میں استدعا کی گئی ہے کہ عدالت ایک روزہ حاضری معافی کی درخواست منظور کرے۔