خیبرپختونخوا اور آزادکشمیر کے مختلف علاقوں میں زلزلے کے جھٹکے

زلزلے کے جھٹکے پشاور اور آزاد کشمیر میں محسوس

پشاور (ڈیلی پاکستان آن لائن) خیبرپختونخوا اور آزاد کشمیر کے مختلف علاقوں میں زلزلے کے جھٹکے محسوس کئے گئے ہیں۔

یہ بھی پڑھیں: پاکستان کی سہیل سسٹرز نے کامن ویلتھ پاور لفٹنگ چیمپئن شپ میں گولڈ، سلور اور برانز میڈل جیتے

خیبرپختونخوا کے متاثرہ علاقے

نجی ٹی وی چینل دنیا نیوز کے مطابق خیبرپختونخوا کے علاقوں پشاور، شمالی وزیرستان، چترال، سوات، شانگلہ، چارسدہ، بٹگرام، مانسہرہ، تورغر اور مالاکنڈ میں زلزلے کے جھٹکے محسوس کئے گئے ہیں۔

یہ بھی پڑھیں: ملک بھر میں موسم کیسا رہے گا؟ محکمہ موسمیات نے پیش گوئی کردی

آزاد کشمیر میں صورتحال

نجی ٹی وی چینل جیو نیوز کے مطابق آزاد کشمیر کے دارالحکومت مظفر آباد میں بھی زلزلے کے جھٹکے محسوس کئے گئے، جس کے باعث لوگوں میں خوف و ہراس پھیل گیا۔ لوگ کلمہ طیبہ کا ورد کرتے ہوئے اپنے گھروں اور دفاتر سے باہر نکل آئے۔

زلزلے کی تفصیلات

زلزلہ پیما مرکز کے مطابق ریکٹر سکیل پر زلزلے کی شدت 5.2 ریکارڈ کی گئی۔ زلزلے کی گہرائی 212 کلومیٹر تھی اور اس کا مرکز پاک افغانستان تاجکستان کا سرحدی علاقہ تھا۔