زرمبادلہ کے سرکاری ذخائر میں بڑا اضافہ

کراچی (ڈیلی پاکستان آن لائن) سٹیٹ بینک کے سرکاری زرمبادلہ کے ذخائر میں گزشتہ ہفتے کے دوران 13 کروڑ 10 لاکھ ڈالر کا اضافہ ہوگیا۔

زرمبادلہ کے ذخائر میں اضافہ

سٹیٹ بینک کے مطابق زرمبادلہ کے سرکاری ذخائر میں گزشتہ ہفتے کے دوران 13 کروڑ 10 لاکھ ڈالر کے اضافے کے بعد سرکاری ذخائر 11 ارب 41 کروڑ 85 لاکھ ڈالر کی سطح پر پہنچ گئے ہیں۔

کمرشل بینکوں کی صورتحال

اسی طرح کمرشل بینکوں کے پاس 4 ارب 65 کروڑ 77 لاکھ ڈالر کے ذخائر موجود ہیں۔ سٹیٹ بینک نے ہفتہ وار جاری ہونے والے اعداد و شمار میں بتایا کہ 22 نومبر کو زرمبادلہ کے مجموعی ذخائر کی مالیت 16 ارب 7 کروڑ 62 لاکھ ڈالر ریکارڈ کی گئی۔