کے پی حکومت ایسے کام نہ کرے جس سے گورنر راج کی نوبت آئے: سردار سلیم حیدر

گورنر پنجاب کا بیان

ٹوبہ ٹیک سنگھ (ڈیلی پاکستان آن لائن) گورنر پنجاب سردار سلیم حیدر خان نے کہا ہے کہ خیبرپختونخوا حکومت ایسے کام نہ کرے جس سے صوبے میں گورنر راج لگانے کی نوبت آئے۔

یہ بھی پڑھیں: آپریشنل مسائل: پی آئی اے کی 4 پروازیں منسوخ، 36 تاخیر کا شکار

ماردھاڑ کی سیاست کی مذمت

نجی ٹی وی دنیا نیوز کے مطابق پاکستان پیپلز پارٹی کے 57ویں یوم تاسیس کے موقع پر ٹوبہ ٹیک سنگھ میں تقریب سے خطاب کرتے ہوئے گورنر پنجاب سردار سلیم حیدر خان کا کہنا تھا کہ عوام نے ماردھاڑ کی سیاست کو مسترد کر دیا، امن وامان کی صورتحال پر کسی قسم کا سمجھوتہ نہیں کیا جائے گا۔

یہ بھی پڑھیں: بھارت کا بزدلانہ حملہ: پاکستانی ایئرسپیس بند، تمام پروازیں منسوخ، نوٹم جاری

پی ٹی آئی کے احتجاج پر افسوس

انہوں نے کہا کہ پی ٹی آئی کے احتجاج میں رینجرز اور پولیس اہلکاروں کی شہادت پر بہت دکھ ہوا، بار بار وفاقی دارالحکومت پر یلغار کی شدید مذمت کرتا ہوں، کے پی حکومت احتجاج کے بجائے اپنے عوام کی مشکلات کا احساس کرے، کے پی حکومت ایسے کام نہ کرے کہ گورنر راج کی نوبت آئے۔

یہ بھی پڑھیں: مودی پاکستان پر حملے کی پوزیشن میں نہیں، یہ اس کا آخری سال ہے، اپوزیشن اور اتحادی بھی اس سے نالاں ہیں: فواد چوہدری

پاکستان کے معاشی حالات

سردار سلیم حیدر کا کہنا تھا کہ پاکستان کا معاشی استحکام دشمنوں سے دیکھا نہیں جارہا، میں گورنر ہاو¿س بیٹھنے پر نہیں بلکہ باہر نکل کر کام کرنے پر یقین رکھتا ہوں، پی پی پی نے ہمیشہ عوام کی فلاح و بہبود کے لئے کام کئے ہیں۔

یہ بھی پڑھیں: پی ٹی آئی کا 9مئی کیسز میں پارٹی رہنماؤں کو سزاؤں کا فیصلہ چیلنج کرنے کا اعلان

پیپلز پارٹی کی خدمات

پی پی پی کی قیادت ہمیشہ عوام کے درمیان پائی جاتی ہے اور ہمیشہ سے ورکر جماعت رہی ہے، پیپلزپارٹی غریب اور پسے ہوئے طبقے کی پارٹی ہے۔

بلاول بھٹو کا مستقبل

گورنر پنجاب نے کہا کہ بلاول بھٹو نوجوانوں کے لیڈر ہیں، اگلے وزیراعظم بلاول بھٹو ہوں گے، لوگ بہت تیزی سے پیپلزپارٹی میں شمولیت اختیار کر رہے ہیں، پیپلزپارٹی خدمت کی سیاست پر یقین رکھتی ہے۔