ڈونلڈ ٹرمپ نے برکس ممالک کو خبر دار کردیا

ٹرمپ کی برکس ممالک کو تنبیہ

واشنگٹن(ڈیلی پاکستان آن لائن) نومنتخب امریکی صدر ڈونلڈ ٹرمپ نے دنیا کی ابھرتی ہوئی معیشتوں کے گروپ برکس کو تنبیہ کرتے ہوئے تنظیم کے ممالک کو امریکی ڈالر کی متبادل کرنسی لانے پر خبردار کر دیا۔

یہ بھی پڑھیں: جی سی، یو ای ٹی اور گورنمنٹ کالج یونیورسٹی برائے خواتین کو ماڈل تعلیمی ادارے بنانے کا فیصلہ، غیر فعال کامرس کالجز سے متعلق تفصیلی رپورٹ طلب

امریکی ڈالر کے متبادل کی مخالفت

خبر ایجنسی کے مطابق ڈونلڈ ٹرمپ نے کہا کہ برکس ممالک نہ تو اپنی کرنسی لائیں نہ ڈالر کے متبادل کسی کرنسی کی حمایت کریں۔ اگر برکس ممالک نے ڈالر کے متبادل کرنسی کی حمایت کی تو ان پر 100 فیصد ٹیکس لگ جائے گا۔

یہ بھی پڑھیں: بابر تیری ٹی20 وچ جگہ نہیں بنتی

امریکی معیشت میں جگہ نہیں

ٹرمپ نے وضاحت کی کہ جو برکس ممالک ڈالر کے متبادل کرنسی کی حمایت کریں گے، انہیں امریکی معیشت میں جگہ نہیں ملے گی۔ ان کا کہنا تھا کہ عالمی معیشت میں امریکی ڈالر کے متبادل کا کوئی امکان نہیں۔

برکس ممالک کا تجارتی منصوبہ

خبر ایجنسی کے مطابق، برکس ممالک کے درمیان عالمی منڈیوں میں ڈالر کے بجائے اپنی کرنسی میں تجارت کا منصوبہ زیر غور ہے۔ برکس گروپ میں برازیل، روس، بھارت، چین، اور جنوبی افریقا شامل ہیں۔ رواں برس برکس نے متحدہ عرب امارات، ایران، مصر، اور ایتھوپیا کی شمولیت بھی دیکھی ہے۔