لاہور : پولیس اور ڈاکووں کے درمیان فائرنگ کا تبادلہ، ایک ملزم ہلاک
پولیس اور ڈاکووں کے درمیان فائرنگ
لاہور (ڈیلی پاکستان آن لائن) صوبائی دارالحکومت لاہور میں پولیس اور ڈاکووں کے درمیان فائرنگ کے تبادلے میں ایک ڈاکو ہلاک ہو گیا۔
یہ بھی پڑھیں: یوم تکبیر سے معرکہ حق تک، سفر لازوال
واقعہ کی تفصیلات
پولیس کے مطابق لاہور کے علاقے سگیاں پل کے قریب ڈاکووں اور پولیس کے درمیان فائرنگ کا تبادلہ ہوا۔ فائرنگ کے نتیجے میں ایک ملزم ہلاک ہو گیا، ڈاکو عدیل مسیح لاہور سمیت پنجاب کے دیگر اضلاع میں ڈکیتی کی وارداتیں کر چکا تھا۔
یہ بھی پڑھیں: کیلیفورنیا کا نیشنل گارڈز کی تعیناتی پر ٹرمپ انتظامیہ کے خلاف مقدمہ دائر
ہلاکت کی وجہ
پولیس کی جانب سے بتایا گیا کہ عدیل مسیح کو نشاندہی پر لے جایا جا رہا تھا کہ ساتھیوں نے فائرنگ کر دی۔ زخمی عدیل مسیح کو مقامی ہسپتال منتقل کیا جا رہا تھا کہ زخموں کی تاب نہ لاتے ہوئے راستے میں ہی دم توڑ گیا۔
ملزم کی شناخت
سی آئی اے کے مطابق عدیل مسیح قصور کا رہائشی اور اشتہاری ملزم بھی تھا۔ ملزم فیصل آباد، قصور، اوکاڑہ اور دیگر اضلاع میں پولیس کو مطلوب تھا۔ فائرنگ کر کے اپنے ساتھی کو ہلاک کرنے والے ملزمان کی تلاش میں سرچ آپریشن کیے جا رہے ہیں۔
