کینسر کا خوراک سے علاج کا دعویٰ، سدھو اور اہلیہ کو اربوں روپے کا لیگل نوٹس

نوجوت سنگھ سدھو اور اہلیہ کو ہرجانے کا نوٹس

نئی دہلی (ڈیلی پاکستان آن لائن) بھارت کی ریاست چھتیس گڑھ کی سول سوسائٹی نے سابق ٹیسٹ کرکٹر، سیاست دان اور ٹی وی ایکسپرٹ نوجوت سنگھ سدھو اور اُن کی اہلیہ نوجوت کور کو خوراک سے کینسر کے علاج کے دعوے پر 850 کروڑ روپے کے ہرجانے کا قانونی نوٹس ارسال کیا ہے۔

یہ بھی پڑھیں: رینالہ خورد میں مال بردار ٹرینوں کے تصادم، ایک شخص جاں بحق، 2 زخمی

ٹی وی پروگرامز میں دعویٰ

نجی ٹی وی چینل 'آج نیوز' کے مطابق، نوجوت سنگھ سدھو نے ٹی وی کے پروگرامز میں دعویٰ کیا تھا کہ انہوں نے خوراک کے ذریعے اپنی بیوی کو کینسر سے نجات دلائی۔ نوٹس میں نوجوت سنگھ سدھو اور اہلیہ سے خوراک کے ذریعے کینسر کے علاج کا ثبوت مانگا گیا ہے۔

یہ بھی پڑھیں: ہائیکورٹ کا تاریخ ساز فیصلہ، گریڈ 20 اور 21 کے افسران سے گاڑیاں واپس لینے کا حکم

ہرجانے کی ادائیگی کا مطالبہ

ثبوت پیش نہ کرنے کی صورت میں 850 کروڑ روپے ہرجانے کی ادائیگی کا کہا گیا ہے۔ نوٹس میں یہ بھی واضح کیا گیا ہے کہ اگر ثبوت پیش نہیں کیے گئے تو قانونی کارروائی شروع کی جائے گی۔

یہ بھی پڑھیں: پی ٹی آئی مظاہرین سے جناح ایونیو بھی خالی کرالیا گیا

نوجوت کور سے وضاحت کا مطالبہ

لیگل نوٹس میں نوجوت کور سے پوچھا گیا ہے کہ آیا انہوں نے نیم اور تلسی کے پتوں، لیموں کے رس والے پانی، اور ہلدی وغیرہ کا استعمال کرکے کینسر سے نجات حاصل کی، یا انہوں نے ایلوپیتھک دواؤں سے بھی مدد لی۔

یہ بھی پڑھیں: پاکستانی پاسپورٹ بتدریج ترقی کے بعد ٹاپ 100 پاسپورٹس میں شامل ہوگیا

ایلوپیتھک دواؤں سے متعلق تشویش

چھتیس گڑھ سول سوسائٹی نے اس نوٹس میں موقف اختیار کیا ہے کہ نوجوت سنگھ سدھو کے دعووں سے عوام ایلوپیتھک علاج سے گمراہ ہو سکتے ہیں۔ کچے ذہن کے لوگ مشوروں کے بدلے دوائیں چھوڑ سکتے ہیں۔ نوجوت کور سے کہا گیا ہے کہ وہ اپنے شوہر کے دعووں کے بارے میں وضاحت کریں۔

یہ بھی پڑھیں: تحریک انصاف کے احتجاج کی کوئی اہمیت باقی نہیں رہی، فضل الرحمان

انسٹا گرام پوسٹ میں دعویٰ

نوجوت سنگھ سدھو نے حال ہی میں ایک انسٹا گرام پوسٹ میں بتایا کہ ان کی اہلیہ نے انتہائی خطرناک کینسر کو محض خوراک اور پرہیز کے ذریعے شکست دی۔

بچنے کا ممکنہ موقع

نوجوت کور کے بچنے کا امکان صرف 5 فیصد رہ گیا تھا۔ ان کی بیٹی نے تحقیق کے ذریعے ایک ڈائٹ پلان ترتیب دیا اور صرف 40 دن میں کینسر کو شکست دی۔ نوجوت سنگھ سدھو نے کہا کہ نوجوت کور نے سبزیاں، پھلوں کا رس، خشک میوہ جات، کچی ہلدی، گُڑ، دارچینی، آملے وغیرہ کا استعمال کرکے اپنی حالت بہتر کی۔ خوراک میں کھوپرے، زیتون اور بادام کا تیل بھی شامل کیا گیا۔