بڑی خوشخبری، امریکی تاجروں نے پاکستان میں سرمایہ کاری کی یقین دہانی کرادی

غیر ملکی سرمایہ کاروں کا اعتماد بحال

لاہور(این این آئی) سپیشل انویسٹمنٹ فیسلی ٹیشن کونسل کے تعاون سے غیر ملکی سرمایہ کاروں کا اعتماد بحال کرنے میں مدد ملی ہے۔ رپورٹ کے مطابق ایس آئی ایف سی کی سہولت کاری اور موثر حکومتی پالیسیوں کے باعث غیر ملکی سرمایہ کاروں کا اعتماد بحال ہورہا ہے۔ پاکستانی سفیر برائے امریکہ کی نیویارک کے سرمایہ کاروں اور کاروباری رہنماؤں کے ساتھ نتیجہ خیز ملاقات ہوئی ہے۔

یہ بھی پڑھیں: خیبرپختونخوا اسمبلی میں وزراء کی مراعات میں اضافے سے متعلق بل پیش

پاکستان میں سرمایہ کاری کے مواقع

نیویارک چیمبر آف کامرس کا سرمایہ کاری کے لیے پاکستان کے ٹیکسٹائل، لیدر، سرجیکل اور آئی ٹی کے شعبوں میں گہری دلچسپی کا اظہار کیا ہے۔ آئی ٹی اور زراعت کے ساتھ ساتھ کان کنی اور سیاحت کے شعبوں میں بھی وسیع سرمایہ کاری کے لیے پاکستان کی بے پناہ صلاحیتوں کی یقین دہانی کی گئی ہے۔ امریکہ اور پاکستان کے درمیان تجارتی اور سرمایہ کاری تعلقات کو مزید فروغ دینے کے عزم کا اظہار کیا گیا۔

سرمایہ کاری دوست پالیسیاں

رپورٹ کے مطابق پاکستان کی سرمایہ کاری دوست پالیسیاں اور جغرافیائی اہمیت غیر ملکی سرمایہ کاروں کے لیے انتہائی موزوں ہے۔ غیر ملکی سرمایہ کاروں کے لیے مراعات اور مواقع، پاکستان عالمی سرمایہ کاروں کے لیے پرکشش مرکز ہے۔ مبصرین کے مطابق ایس آئی ایف سی کے تعاون سے پاکستان میں سرمایہ کاری کے ذریعے معاشی استحکام کی کاوشیں خوش آئند ہیں۔