پنجاب حکومت کا فٹنس سرٹیفکیٹ کے بغیر گاڑیوں کو ایم ٹیگ جاری نہ کرنے کا فیصلہ

پنجاب حکومت کا سموگ کنٹرول فیصلہ

لاہور (ڈیلی پاکستان آن لائن) پنجاب حکومت نے سموگ کنٹرول اقدامات کے پیش نظر بغیر فٹنس سرٹیفکیٹ گاڑیوں کو ایم ٹیگ جاری نہ کرنے کا فیصلہ کرلیا۔

یہ بھی پڑھیں: بختاور بھٹو کے ہاں تیسرے بیٹے کی پیدائش

تیس سال سے زائد عمر کی گاڑیوں پر پابندی

سموگ کے پیش نظر تیس سال سے زائد عمر کی گاڑیوں کو اکتوبر تا جنوری لاہور میں داخلے کی اجازت نہیں ہوگی اور نہ ہی موٹروے پر سفر کر سکیں گی۔ ایم ٹیگ حاصل کرنے کے لئے اب گاڑی کی رجسٹریشن بک اور لائسنس کے ساتھ گاڑی کا فٹنس سرٹیفکیٹ بھی دکھانا ہوگا۔

یہ بھی پڑھیں: سٹاک مارکیٹ میں ریکارڈ قائم، پہلی بار 100 انڈیکس 95 ہزار پوائنٹس کی نفسیاتی حد عبور کر گیا

صوبائی وزیر کا بیان

صوبائی وزیر ٹرانسپورٹ بلال اکبر خان نے کہا ہے کہ جس طرح کے سموگ زدہ حالات سے ہم گزرے، اسے دیکھتے ہوئے یہ شرط رکھی گئی ہے۔ ہم نے سروسز اینڈ جنرل ایڈمنسٹریشن کو بھی خط لکھا ہے جس میں سرکاری گاڑیوں کی تفصیلات طلب کی ہیں۔

سرکاری اور پرائیویٹ گاڑیوں پر احکامات

بلال اکبر خان نے مزید کہا کہ سب سے پہلے فٹنس سرٹیفکیٹ کا اطلاق سرکاری گاڑیوں پر لاگو کروا رہے ہیں۔ یہ ممکن نہیں کہ لوگوں کو روکیں اور حکومت سوئی رہے۔ صرف بڑی کمرشل نہیں بلکہ پرائیویٹ گاڑیوں پر بھی یہ احکامات لاگو ہوں گے۔