سونے کی فی تولہ قیمت میں 1700 روپے کمی
سونے کی قیمت میں کمی
کراچی(ڈیلی پاکستان آن لائن)پاکستان میں سونے کی فی تولہ قیمت میں 1700 روپے کی کمی ہو گئی۔
یہ بھی پڑھیں: امریکی انتخابات نے ثابت کردیا کہ میڈیا کو مینج کرکے کسی سیاستدان کی مقبولیت کم نہیں کی جا سکتی، حامد میر کا تجزیہ
بین الاقوامی بلین مارکیٹ کا اثر
بین الاقوامی بلین مارکیٹ میں فی اونس سونے کی قیمت 17 ڈالر کی کمی سے 2633 ڈالر کی سطح پر آنے کے باعث مقامی صرافہ مارکیٹوں میں پیر کو بھی 24 قیراط کے حامل فی تولہ سونے کی قیمت 1700 روپے کم ہوکر 2 لاکھ 74500 روپے کی سطح پر آگئی۔ فی دس گرام سونے کی قیمت بھی 1457 روپے کی کمی سے 235340 روپے کی سطح پر آگئی۔
چاندی کی قیمتیں مستحکم
فی تولہ چاندی کی قیمت بغیر کسی تبدیلی کے 3400 روپے اور 10 گرام چاندی کی قیمت بھی بغیر کسی تبدیلی کے 2914.95 روپے کی سطح پر مستحکم رہی۔
