پاکستان جرنلسٹس فورم ، یو اے ای نے متحدہ عرب امارات کا 53 واں قومی دن منایا

متحدہ عرب امارات کا 53 واں قومی دن

دبئی (طاہر منیر طاہر)  متحدہ عرب امارات کا 53 واں قومی دن پاکستان ایسوسی ایشن دبئی میں منایا گیا جس کا اہتمام پاکستان جرنلسٹس فورم، یو اے ای نے کیا۔

یہ بھی پڑھیں: آرمی چیف جنرل عاصم منیر سے روسی نائب وزیر دفاع کی اہم ملاقات

تقریب کے شرکاء

تقریب میں پاکستان جرنلسٹس فورم کے عہدیداران طاہر منیر طاہر، سعدیہ عباسی، سہیل خاور، حافظ زاہد علی، ارشد انجم، کاشان تمثیل، خالد محمود گوندل، توقیر احمد اور پاکستان ایسوسی ایشن دبئی سے محمد احسن اور اشتیاق احمد نے شرکت کی۔

یہ بھی پڑھیں: عمران خان کی رہائی سے متعلق سوال پر ترجمان امریکی محکمہ خارجہ کا ردعمل

نیک تمناؤں کا اظہار

اس موقع پر شرکائے تقریب نے متحدہ عرب امارات کے باسیوں کو امارات کے 53 ویں قومی دن پر مبارکباد دی اور ان کے لئے نیک تمناؤں کا اظہار کیا۔ متذکرہ شرکائے تقریب نے کہا کہ 1971 میں امارات کے قیام کا اعلان ہوتے ہی سب سے پہلے پاکستان نے امارات کی حیثیت کو تسلیم کیا اور امارات کے قیام کی مبارکباد دی۔

یہ بھی پڑھیں: محکمہ موسمیات نے آج سے ملک بھر کا موسم خوشگوار ہونے کی نوید سنا دی

پاکستان-متحدہ عرب امارات تعلقات

جب سے متحدہ عرب امارات معرض وجود میں آیا ہے تب سے پاکستان اور متحدہ عرب امارات کے آپسی تعلقات قائم ہیں جو دن بدن مضبوط ہو رہے ہیں۔ دونوں ممالک کے درمیان تعلقات کو مزید مضبوط کرنے کے لیے صحافی بھی اپنا مثبت کردار ادا کر رہے ہیں جو لائق صد تحسین ہے۔

تقریب کی خوشیوں کا آغاز

اس موقع پر کیک بھی کاٹا گیا، یو اے ای کے باشندوں کو ان کے قومی دن پر مبارکباد دی گئی اور دونوں برادر ممالک کے درمیان تعلقات میں مزید مضبوطی اور خوش حالی کے لئے دعا کی گئی۔