تحریک انصاف پاکستان کو بدنام کرنے کی عالمی سازش کا حصہ ہے: شرجیل میمن

شرجیل میمن کا پی ٹی آئی پر الزام

کراچی (ڈیلی پاکستان آن لائن) وزیر اطلاعات سندھ شرجیل میمن نے کہا ہے کہ تحریک انصاف پاکستان کو بدنام کرنے کی عالمی سازش کا حصہ ہے۔

یہ بھی پڑھیں: آل پاکستان کسٹم ایجنٹس ایسوسی ایشن میں سنگین بے ضابطگیاں، ڈی جی ٹی او نے نوٹس لے لیا

پی ٹی آئی کا مقصد ملک میں انارکی پھیلانا

کراچی میں نیب کورٹ میں پیشی کے موقع پر میڈیا سے گفتگو کرتے ہوئے شرجیل میمن کا کہنا تھا کہ پی ٹی آئی ملک میں انارکی چاہتی ہے، ان کی دشمنی کسی ادارے یا سیاسی جماعت سے نہیں، بلکہ پاکستان سے ہے۔ یہ انٹرنیشنل لابیز کے ذریعے مہم چلا رہے ہیں۔

یہ بھی پڑھیں: حنہ آفریدی اور تیمور اکبر نے منگنی کرلی، شادی کی تاریخ بھی بتادی

پی ٹی آئی کی کوششیں ناکام ہوں گی

انہوں نے کہا کہ پی ٹی آئی پاکستان کو بدنام کرنے کی عالمی سازش کا حصہ ہے، اور ان کی کوشش کامیاب نہیں ہوگی۔ پی ٹی آئی نے اسلام آباد میں نعشوں کا جھوٹا بیانیہ بنایا، اور احتجاج کے لئے خیبرپختونخوا حکومت نے سرکاری وسائل کا استعمال کیا۔

یہ بھی پڑھیں: ایرانی حکومت کا تہران میں میٹرو سٹیشنز کو پناہ گاہوں کے طور پر کھولنے کا فیصلہ

جھوٹے پروپیگنڈے کا آغاز

شرجیل میمن نے کہا کہ یہ لوگ جھوٹ کا سارا پراپیگنڈا سوشل میڈیا سے شروع کرتے ہیں، اور یہ پاکستان کو دنیا میں متنازعہ بنانے کی کوشش کرتے ہیں۔

یہ بھی پڑھیں: پاکستان سٹاک ایکسچینج میں نیا ریکارڈ قائم ،100انڈیکس 1لاکھ 10ہزار پوائنٹس عبور کرگیا

پی ٹی آئی رہنماؤں کی فرار

شرجیل میمن نے کہا کہ پی ٹی آئی رہنما صرف بڑھکیں مارتے ہیں، علی امین گنڈاپور اور بشریٰ بی بی سب سے پہلے میدان چھوڑ کر بھاگ گئے۔ گنڈاپور کا بیان ریاست سے بغاوت کا پیغام ہے اور وہ ریاست کے بجائے دہشتگردوں سے لڑیں۔

حکومت کے اقدامات

صوبائی وزیر کا مزید کہنا تھا کہ چیلنجز کے باوجود حکومت عوام سے کئے گئے وعدے پورے کر رہی ہے۔ سندھ میں 10 ہزار افراد کو آئی ٹی کورسز کرائے جا رہے ہیں، اور 21 لاکھ بے گھر افراد کو گھر بنا کر دے رہے ہیں۔ کراچی میں ترقیاتی کام تیزی سے جاری ہیں، جن میں اربوں روپے کے 2 بڑے پراجیکٹس شامل ہیں۔