اسلام آباد ہائیکورٹ نے پی ٹی آئی رہنما علی بخاری کی گرفتاری سے روک دیا

اسلام آباد ہائی کورٹ کا فیصلہ

اسلام آباد(ڈیلی پاکستان آن لائن) کیسز کی تفصیلات فراہمی کی درخواست پر، اسلام آباد ہائیکورٹ نے پی ٹی آئی رہنما علی بخاری ایڈوکیٹ کی گرفتاری سے روک دیا۔

یہ بھی پڑھیں: ٹھٹھہ؛کاجر کریک کے مقام پر سمندر میں چھوٹی کشتی حادثے کا شکار،20ماہی گیر ڈوب گئے

سماعت کی تفصیلات

نجی ٹی وی چینل ایکسپریس نیوز کے مطابق، جسٹس میاں گل حسن اورنگزیب نے درخواست پر سماعت کی۔ علی بخاری ایڈوکیٹ کی جانب سے وکیل صدر ہائیکورٹ بار ریاست علی آزاد عدالت میں پیش ہوئے۔

نوٹس اور رپورٹ کی درخواست

اسلام آباد ہائی کورٹ نے کل کیلئے وزارت داخلہ، پولیس و دیگر فریقین کو نوٹس جاری کر دیا۔ عدالت نے کہا کہ علی بخاری کے خلاف کتنے مقدمات ہیں؟ وزارت داخلہ، پولیس و دیگر فریقین کل تک رپورٹ پیش کریں۔ عدالت نے علی بخاری کی درخواست پر فریقین کو نوٹس جاری کرتے ہوئے سماعت کل تک ملتوی کر دی۔