بانی پی ٹی آئی کیخلاف ملک بھر میں درج مقدمات کی تعداد 186 تک پہنچ گئی

عمران خان کے خلاف مقدمات کی تعداد

اسلام آباد(ڈیلی پاکستان آن لائن) بانی پی ٹی آئی عمران خان کیخلاف ملک بھر میں درج مقدمات کی تعداد 186 تک پہنچ گئی۔ اسلام آباد ہائیکورٹ میں جمع کروائی گئی رپورٹ کی تفصیلات سامنے آگئیں۔

یہ بھی پڑھیں: فیصل آباد: سائنسدانوں نے سالانہ 200 انڈے دینے والی مرغی کی نسل تیار کرلی

پنجاب اور اسلام آباد میں مقدمات

نجی ٹی وی سما نیوز کے مطابق، وزارت داخلہ کی رپورٹ میں کہا گیا ہے کہ پنجاب میں بانی پی ٹی آئی کے خلاف 99 مقدمات درج ہیں۔ اسلام آباد پولیس کی رپورٹ میں بتایا گیا ہے کہ وفاقی دارالحکومت میں بانی پی ٹی آئی کے خلاف 74 مقدمات درج ہیں۔

یہ بھی پڑھیں: رجب بٹ ایک پوڈ کاسٹ انٹرویو میں شرکت کیلئے کتنا پیسہ لیتے ہیں؟ جان کر آپ کی حیرت کی انتہاء نہ رہے گی

ایف آئی اے اور نیب کی رپورٹ

ایف آئی اے کی رپورٹ کے مطابق، ایف آئی اے میں بانی کے خلاف 7 مقدمات اور انکوائریز زیرالتوا ہیں جبکہ نیب میں بانی پی ٹی آئی کے خلاف 3 مقدمات زیرالتوا ہیں۔

توشہ خانہ کیس اور دیگر مقدمات

توشہ خانہ فوجداری کیس میں سزا کے خلاف بانی پی ٹی آئی کی اپیل بھی زیرالتوا ہے۔ بانی پر اکتوبر، نومبر اور دسمبر کے احتجاج کے تناظر میں بھی مقدمات درج ہوئے ہیں۔