7 سے 11 دسمبر تک کس کس شہر میں بادل برسیں گے؟ محکمہ موسمیات کی اہم پیش گوئی

سردی کی لہر کی پیشگوئی

اسلام آباد (ڈیلی پاکستان آن لائن) محکمہ موسمیات نے رواں ہفتے کے دوران ملک میں سردی کی لہر اور کہرا پڑنے کی پیشگوئی کی ہے۔ ملک کے بالائی علاقوں میں تیز ہواؤں اور گرج چمک کے ساتھ بارش کا امکان ہے جبکہ پہاڑوں پر برفباری متوقع ہے۔

یہ بھی پڑھیں: سونا سستا ہو گیا، چاندی کی قیمت بلند ترین سطح پر پہنچ گئی

ہواوں کی تبدیلی

رپورٹ کے مطابق 7 دسمبر سے مغربی ہوائیں ملک کے بالائی میں داخل ہوں گی۔ 8 سے 14 دسمبر کے دوران ملک کے بیشتر حصوں میں سردی کی لہر کا امکان ہے۔ سردی کی لہر کے زیر اثر دن اور رات کے درجہ حرارت میں نمایاں کمی کی پیشگوئی کی گئی ہے۔ پنجاب، خیبر پختونخوا، گلگت بلتستان اور کشمیر میں درجہ حرارت 4 سے 6 ڈگری سینٹی گریڈ معمول سے کم رہنے کا امکان ہے۔ جبکہ بلوچستان اور سندھ میں درجہ حرارت 5 سے 7 ڈگری سینٹی گریڈ کم رہنے کی توقع ہے۔ ادھر میدانی علاقوں میں کہرا پڑنے کی توقع سندھ، بلوچستان اور پنجاب میں موسم سرد اور تیز ہواؤں کا امکان ہے۔

یہ بھی پڑھیں: خیبر پختونخوا میں 3آپریشنز میں شہید ہونے والے سیکیورٹی فورسز کے 6جوانوں کے بارے میں اہم معلومات سامنے آگئیں

خصوصی بارشوں کی پیشگوئی

رپورٹ کے مطابق 7 سے 11 دسمبر کے دوران چترال، دیر، سوات، بونیر، شانگلہ، مانسہرہ، ایبٹ آباد، استور، غذر، گلگت، ہنزد، سکردو، اور وادی نیلم میں بارش متوقع ہے۔ مظفر آباد، راولا کوٹ، کوٹلی، اور حویلیاں میں گرج چمک کے ساتھ بادل برسنے کا امکان ہے۔

مقامی بارش کی پیشن گوئی

7 سے 8 دسمبر کے دوران مری، گلیات، اسلام آباد، راولپنڈی، جہلم، چکوال، سیالکوٹ، اور حافظ آباد میں بارشوں کی پیشگوئی ہے۔ گوجر انوالہ، لاہور، سرگودھا، خوشاب، فیصل آباد اور جھنگ میں تیز ہواؤں اور گرج چمک کے ساتھ ہلکی سے درمیانی بارش متوقع ہے۔