دنیا کا خوبصورت ترین اطالوی بحری جہاز امریگو ویسپوچی کراچی پہنچ گیا

امریگو ویسپوچی کا کراچی دورہ
کراچی (آئی این پی) اطالوی تربیتی بحری جہاز امریگو ویسپوچی 2 روزہ دورے پر کراچی بندرگاہ پہنچ گیا۔
یہ بھی پڑھیں: ایوب خان اقتدار چھوڑنے پر مجبور ہو گئے تو قومی اسمبلی کے سپیکر فضل القادر چودھری کی بجائے چیف آف آرمی سٹاف جنرل یحییٰ خان کو بلا کر چارج دیدیا
استقبال کی تقریب
اٹلی کے مشہور بحری سیاح امیریگو ویسپوچی کے نام پر جہاز کی کراچی آمد پر اطالوی سفیر اور قونصل جنرل سمیت پاک بحریہ کے افسران نے جہاز کا استقبال کیا۔ اطالوی جہاز کی آمد 2023 تا 2025 ورلڈ ٹور کا حصہ ہے۔ کراچی کے دورے میں جہاز کے کیسیئنر افسران پاک بحریہ کے افسران سے ملاقات بھی کریں گے۔
یہ بھی پڑھیں: پی ٹی آئی پارلیمانی پارٹی اجلاس کی دلچسپ اندرونی کہانی سامنے آئی
جہاز کا دورہ اور مہمان نوازی
جہاز کے عملے کو کراچی میں مختلف مقامات کا دورہ بھی کرایا جائے گا۔ امیریگو ویسپوچی کو دنیا کے خوبصورت ترین شپ کا درجہ حاصل ہے۔ اطالوی بحری جہاز کی کراچی آمد کے موقع پر اٹلی کی سفیر مارلینا ارملین نے میڈیا سے گفتگو میں کہا کہ اس شپ کی پاکستان آمد ہمارے لیے اعزاز ہے۔ مجھے بطور اطالوی سفیر پاکستان چوتھے بحری شپ کا استقبال کرنے کا موقع ملا ہے۔ پاکستان اور اٹلی میں بہترین دوستانہ تعلقات ہیں۔ یورپ میں سب سے زیادہ پاکستانی کمیونٹی اٹلی میں آباد ہیں۔ اس شپ کا پاکستان آمد کا مقصد خیر سگالی اور ثقافت کا فروغ ہے۔ اٹلی اور پاکستان کے درمیان معاشی تعلقات میں اضافہ ہوگا۔ ٹریڈ کمشنر کا آفس بھی اسلام آباد میں قائم کیا گیا ہے۔
کمانڈنگ افسر کا بیان
کمانڈنگ افسر کیپٹین جوزف کا میڈیا سے بات چیت میں کہنا تھا کہ امریگو ویسپوچی اطالوی نیوی کا کروز شپ ہے۔ یکم جولائی 2023 کو شپ ورلڈ ٹور پر روانہ ہوا تھا۔ یہ شپ اطالوی کلچر و روایات کا پاسدار ہے۔ اس کو دنیا کا قدیم اور خوبصورت ترین شپ ہونے کا درجہ حاصل ہے۔ یہ شپ پاکستان پہلی بار آیا ہے۔ میرا کراچی کا چھٹا وزٹ ہے۔ مجھے کراچی کا فوڈ اور کلچر بے حد پسند ہے۔