شہداء کی یادگاروں کو نقصان پہنچانے والے ملک دشمن ہیں: گورنر پنجاب

گورنر پنجاب کا بیان

لاہور، بنوں (ڈیلی پاکستان آن لائن ) گورنر پنجاب سردار سلیم حیدر خان نے کہا ہے کہ شہداءکی یادگاروں کو نقصان پہنچانے والے ملک کے دشمن ہیں۔

یہ بھی پڑھیں: 27 سال تک چھٹی کئے بغیر کلینر کا کام کرکے بچوں کو کامیاب بنانے والا شخص

شہید کیپٹن زوہیب الدین کی یاد

گورنرپنجاب سردار سلیم حیدر خان نے بنوں کے علاقے خیبر میں خوراج کے خلاف آپریشن کے دوران جام شہادت نوش کرنے والے کیپٹن زوہیب الدین کے گھر جا کر اہل خانہ سے اظہار تعزیت اور فاتحہ خوانی کی۔ گورنر پنجاب نے ملک و قوم کیلئے جان کا نذرانہ پیش کرنے پر شہید کیپٹن کو خراج عقیدت پیش کیا۔

یہ بھی پڑھیں: بھارت سے آنے والے دریائے چناب کے بہاؤ میں 54 ہزار کیوسک کی کمی ریکارڈ، پریشان کن تفصیلات سامنے آگئیں

شہداءکی قربانیوں کی اہمیت

اس موقع پر گفتگو کرتے ہوئے گورنر پنجاب سردار سلیم حیدر خان کا کہنا تھا کہ ملک پر اپنی جان نچھاور کرنے والے بہادر جوان قوم کا فخر ہیں، شہداءکا مقدس لہو رائیگاں نہیں جائے گا، شہداءاور ان کے ورثاء پوری قوم کا فخر ہیں۔ پاک فوج کے ایک بہادر شہید آفیسر کے اہل خانہ سے ملنا میرے لئے اعزاز کی بات ہے۔

یہ بھی پڑھیں: اب دو نہیں، ایک بار میں تناؤ پیدا ہوگا: پاکستانی فوج کے سربراہ کی مدت ملازمت میں توسیع کے اثرات کیا ہوں گے؟

قومی سلامتی اور افواج کی قربانیاں

انہوں نے کہا کہ شہداءکی قربانیاں ملکی سلامتی کی بنیاد ہیں، شہداءکے خاندانوں کے ساتھ کھڑے ہیں، سرحدوں پر ملک و قوم کی حفاظت پر کھڑے پاک فوج کے جوانوں کو سلام پیش کرتا ہوں۔ ہمارے شہداء کی یاد گاروں کو نقصان پہنچانے والے ملک کے دشمن ہیں۔

یہ بھی پڑھیں: خواجہ آصف کی ایرانی نائب وزیر دفاع سے ملاقات، مختلف شعبوں میں تعاون بڑھانے کا عزم

سیاسی گمراہ کن رویے کی مذمت

سردار سلیم حیدر کا کہنا تھا کہ سیاست کی آڑ میں ہماری فورسز کے خلاف نوجوان نسل کو گمراہ کرنا قبول نہیں، پاک فوج ہمارا فخر ہے، دہشتگردی کی جنگ میں اپنی فورسز کے ساتھ ہیں۔ پاک فوج کی تنصیبات، شہداء کی یاد گاروں کی بے حرمتی اور زہر اگلنے والوں کی جتنی مذمت کی جائے کم ہے۔

شہداءکی عزت کا تحفظ

انہوں نے مزید کہا کہ ہماری افواج ملک کی خاطر اپنی جان نچھاور کریں اور ہم ان شہداءکی بے حرمتی کریں یہ ممکن نہیں۔