شامی باغیوں کا دارالحکومت میں داخل ہونے کا دعویٰ، بشارالاسد دمشق سے نکل گئے

شامی باغیوں کا دارالحکومت دمشق میں داخل ہونے کا دعویٰ

دمشق (ڈیلی پاکستان آن لائن) شامی باغیوں نے دارالحکومت دمشق میں داخل ہونے کا دعویٰ کردیا، شامی صدر بشارالاسد بھی دمشق چھوڑ کر نامعلوم مقام کی جانب روانہ ہو گئے۔

یہ بھی پڑھیں: کراچی میں مبینہ پولیس مقابلہ، 1 ڈاکو مارا گیا، 4 گرفتار

بشار الاسد کی حفاظت میں تبدیلیاں

غیر ملکی میڈیا کے مطابق بشارالاسد کے صدارتی محافظ بھی ان کی معمول کی رہائش گاہ پر تعینات نہیں ہیں جس کے باعث ان قیاس آرائیاں کو تقویت ملتی ہے کہ بشار الاسد فرار ہوچکے ہیں۔

یہ بھی پڑھیں: پاکستان اور چین کا فیک نیوز کا پھیلاؤ روکنے کیلئے مشترکہ تعاون کو فروغ دینے پر اتفاق

حمص شہر پر باغیوں کا کنٹرول

غیر ملکی میڈیا کی جانب سے دعویٰ کیا جارہا ہے کہ شامی جنگجوؤں نے شام کے شہر حمص پر مکمل کنٹرول کا اعلان کیا ہے، جبکہ سینٹرل جیل پر قبضہ کر کے 3500 قیدیوں کو بھی رہا کردیا۔ باغیوں نے صدر بشار الاسد کے پورٹریٹ پھاڑ دیئے جبکہ بشار الاسد کے والد کا مجسمہ بھی گرا دیا۔

یہ بھی پڑھیں: منڈی بہاالدین میں مزدور کی بیوی سے بااثر افراد کی اجتماعی زیادتی

شامی کردوں کی کامیابی

میڈیا رپورٹس کے مطابق شامی کردوں نے دیرالزور کا کنٹرول سنبھال کر اپنا جھنڈا لہرا دیا اور صدر بشار الاسد کی فوج کو شہر چھوڑنے پر مجبور کیا، سیکڑوں فوجیوں اور سرکاری افسران نے عراق میں پناہ لے لی۔

بغاوت کا مقصد اور مستقبل

دوسری جانب جنگجو لیڈر محمد الجولانی نے کہا ہے کہ شام میں حالیہ بغاوت کا مقصد صدر بشار الاسد کی حکومت کو گرانا ہے، شامی حکومت کا خاتمہ قریب ہے، ہتھیار پھینکنے والے سرکاری فوجیوں کو عام معافی دی جائے گی۔