بشریٰ بی بی کی ضمانت منسوخی کی درخواست 12 دسمبر کو سماعت کیلئے مقرر

توشہ خانہ ٹو کیس

اسلام آباد(ڈیلی پاکستان آن لائن) توشہ خانہ ٹو کیس میں بانی پی ٹی آئی کی اہلیہ بشریٰ بی بی کی ضمانت منسوخی کی درخواست 12 دسمبر کو سماعت کے لیے مقرر کر دی گئی۔

یہ بھی پڑھیں: اگر بیگم جاکر بانی پی ٹی آئی کوکچھ کھلا پلا دیں تو ریاست ذمہ دار نہیں ہوگی، سابقہ شوہر نے ہماری حکومت میں اربوں روپے کمائے: فیصل واوڈا

سماعت کی تفصیلات

اسلام آباد ہائیکورٹ کے جسٹس میاں گل حسن اورنگزیب سماعت کریں گے۔ عدالت نے 12 دسمبر کے لیے بشریٰ بی بی کو بھی نوٹس جاری کر رکھے ہیں جبکہ ایف آئی اے نے بشریٰ بی بی کی ضمانت منسوخی کی استدعا کر رکھی ہے۔

ایف آئی اے کی درخواست

ایف آئی اے درخواست میں کہا گیا ہے کہ بشریٰ بی بی ضمانت کی رعایت کا غلط استعمال کرکے عدالت کے سامنے پیش نہیں ہو رہیں۔ درخواست میں عدالت سے استدعا کی گئی ہے کہ عدالت بشریٰ بی بی کی درخواست ضمانت منسوخ کرے۔