بھارتی کرکٹ بورڈ کو نیا سیکرٹری مل گیا

نئی دہلی میں اہم تعیناتی

نئی دہلی(ڈیلی پاکستان آن لائن) دیواجیت سائیکیا کو بھارتی کرکٹ بورڈ (بی سی سی آئی) کا نیا سیکرٹری مقرر کردیا گیا۔

یہ بھی پڑھیں: ایران اسرائیل جنگ: عسکری اعتبار سے کون زیادہ طاقتور ہے؟

سابق سیکرٹری کی جگہ

میڈیا رپورٹس کے مطابق دیواجیت سائیکیا کو سابق سیکریٹری جے شاہ کے عہدے کے خالی ہونے پر ترقی دی گئی ہے۔ وہ اس سے پہلے جوائنٹ سیکرٹری کے طور پر خدمات سرانجام دے رہے تھے۔ بھارتی کرکٹ بورڈ (بی سی سی آئی) کے صدر راجر بنی نے تصدیق کی ہے کہ دیواجیت سائیکیا کو سیکرٹری نامزد کردیا گیا ہے۔

یہ بھی پڑھیں: وزیراعلیٰ پنجاب کا ڈاکوؤں کی فائرنگ سے شہید ہونیوالے کانسٹیبل کے خاندان سے اظہار تعزیت

جے شاہ کی نوکری کی منتقلی

بی سی سی آئی کے صدر نے اپنے بیان میں کہا کہ سابق سیکرٹری جے شاہ نے یکم دسمبر کو انٹرنیشنل کرکٹ کونسل (آئی سی سی) چیئرمین کا عہدہ سنبھال لیا تھا، جس کے بعد یہ عہدہ خالی ہوا۔ راجر بنی نے نومنتخب سیکرٹری کو خوش آمدید کہا اور ان کے لئے نیک خواہشات کا اظہار کیا۔

دیواجیت سائیکیا کی شناخت

دیواجیت سائیکیا پیشے کے لحاظ سے وکیل، سابق فرسٹ کلاس کرکٹر اور ایڈمنسٹریٹر ہیں۔ انہوں نے 4 فرسٹ کلاس میچوں میں آسام کی نمائندگی کی ہے، جس میں انہوں نے 54 رنز بنائے۔ حال ہی میں، ایڈوکیٹ جنرل دیواجیت سائیکیا کو انٹرنیشنل کرکٹ کونسل (آئی سی سی) کے بورڈ ڈائریکٹر کے لیے مقرر کیا گیا تھا۔ بی سی سی آئی کی نمائندگی کرتے ہوئے انہوں نے دبئی میں آئی سی سی ہیڈکوارٹر میں اپنے نئے عہدے کا باقاعدہ چارج سنبھال لیا ہے۔ سوشل میڈیا پر بات کرتے ہوئے سائیکیا نے آئی سی سی کے موجودہ چیئرمین جے شاہ سمیت اہم شخصیات سے ملنے والے تعاون کے لیے اظہار تشکر بھی کیا۔